वर्धा : नागपूर-हैदराबाद राष्ट्रीय महामार्गावरील (Nagpur-Hyderabad National Highway) हिंगणघाट नजीक आज  भीषण अपघात घडला आहे. महामार्गावरील हॉटेल सगुना फॅक्टरीजवळ भरधाव येणाऱ्या एका अज्ञात वाहनाने मोपेड दुचाकीला दिलेल्या जोरदार धडकेत एकाच कुटुंबातील तिघांचा जागीच अंत झाला. मृतांमध्ये पती, पत्नी आणि त्यांच्या अवघ्या 6 वर्षांच्या चिमुकलीचा समावेश आहे. (Accident News)

https://prahaar.in/2026/05/22/pm-modis-melody-moment-parle-companys-first-reaction-is-also-out/

काळाने वाटेतच हेरलं अन विपरीत घडलं

सासरवाडीहून कपडे खरेदी साठी निघालेले कुटुंब गजानन वानखेडे (वय 45), पल्लवी वानखेडे (वय 38) आणि आरोही वानखेडे (वय 6) यांचा वाटेतच अपघात घडला आणि या दुर्दैवी अपघातात तिघांचाही करून अंत झाला. वानखेडे कुटुंब हे समुद्रपूर तालुक्यातील कुर्ला येथील रहिवासी होते.

मिळालेल्या प्राथमिक माहितीनुसार, गजानन वानखेडे हे आपल्या पत्नी आणि मुलीसह सासरवाडीला आले होते. तिथून ते सर्वजण मोपेड दुचाकीने कपडे खरेदी करण्यासाठी हिंगणघाट शहराकडे जात होते. वानखेडे कुटुंब राष्ट्रीय महामार्गावरून जात असताना, हॉटेल सगुना फॅक्टरीजवळ विरुद्ध दिशेने अत्यंत भरधाव वेगात येणाऱ्या एका अज्ञात वाहनाने त्यांच्या दुचाकीला समोरून जोरदार धडक दिली.

https://prahaar.in/2026/05/22/venezuela-india-partnership-venezuela-will-soon-become-a-major-oil-supplier-to-india-us-give-hints/

दुचाकीचा चक्काचूर, तिघांचाही मृत्यू

हा अपघात इतका भीषण होता की, दुचाकीचा चक्काचूर झाला आणि दुचाकीवरील गजानन, पल्लवी व चिमुकली आरोही हे तिघेही रस्त्यावर फेकले गेले. गंभीर दुखापत झाल्याने तिघांचाही जागीच मृत्यू झाला.अपघाताची माहिती मिळताच स्थानिक नागरिक आणि पोलिसांनी तातडीने घटनास्थळी धाव घेतली. तात्काळ रुग्णवाहिका बोलवून तिघांनाही उपजिल्हा रुग्णालयात हलवण्यात आले. मात्र, रुग्णालयातील डॉक्टरांनी तपासणी अंती त्यांना मृत घोषित केले.

या घटनेतील सर्वात हृदयद्रावक बाब म्हणजे, अपघातात दगावलेली 6 वर्षांची चिमुकली आरोही ही जुळी बहीण होती. तिची दुसरी जुळी बहीण थोडक्यात बचावली आहे, मात्र आई-वडील आणि बहिणीच्या जाण्याने ती आता पोरकी झाली आहे. या दुर्दैवी अपघाताने कुर्ला आणि हिंगणघाट परिसरात हळहळ व्यक्त केली जात आहे.