पुणे : पुणे शहरात मेट्रो प्रकल्पाचे काम युद्धपातळीवर सुरू असून भविष्यातील वाहतूक व्यवस्था अधिक जलद, सुरक्षित आणि सुलभ करण्यासाठी प्रशासनाकडून विविध उपाययोजना राबवल्या जात आहेत. मात्र या कामाचा परिणाम सध्या शहरातील वाहतूक आणि सार्वजनिक परिवहन व्यवस्थेवर होताना दिसत आहे. आता कात्रज परिसरातील नागरिकांसाठी महत्त्वाची बातमी समोर आली आहे. मेट्रो स्थानकाच्या बांधकामामुळे कात्रज पोलिस चौक येथील पीएमपी बसथांबा तात्पुरता स्थलांतरित करण्यात आला आहे. (Pune Metro News)
https://prahaar.in/2026/05/22/maharashtra-weather-update-thunderstorm-warning-in-this-part-of-the-state/
स्वारगेट ते कात्रज भुयारी मेट्रोचे काम वेगात :
सध्या पुणे मेट्रोच्या पर्पल लाईनअंतर्गत स्वारगेट ते कात्रज या महत्त्वाच्या भुयारी मेट्रो मार्गाचे काम सुरू आहे. हा मार्ग पूर्ण झाल्यानंतर पुण्यातील दक्षिण भागातील वाहतुकीवरील ताण मोठ्या प्रमाणात कमी होणार असल्याचा दावा प्रशासनाकडून केला जात आहे. कात्रज पोलिस चौक हे या मार्गावरील अत्यंत महत्त्वाचे स्थानक मानले जात आहे. येथे मोठ्या प्रमाणावर बांधकाम सुरू असल्याने सुरक्षेच्या दृष्टीने आणि काम सुरळीत पार पाडण्यासाठी वाहतूक व्यवस्थेत तात्पुरते बदल करण्यात आले आहेत. (Pune Metro News)
https://prahaar.in/2026/05/22/went-to-buy-clothes-and-was-ambushed-on-the-way/
पीएमपी बसथांबे पर्यायी ठिकाणी हलवले :
वाहतूक कोंडी वाढण्याची शक्यता :
मेट्रोच्या कामामुळे कात्रज, स्वारगेट आणि आसपासच्या भागात वाहतूक कोंडी वाढण्याची शक्यता व्यक्त केली जात आहे. मोठी यंत्रसामग्री, रस्त्यांवरील बॅरिकेडिंग आणि मार्गांतील बदल यामुळे वाहनचालकांनाही अडचणींचा सामना करावा लागू शकतो. वाहतूक पोलिसांकडून नागरिकांना पर्यायी मार्गांचा वापर करण्याचे आवाहन करण्यात आले आहे. तसेच सार्वजनिक वाहतुकीचा अधिकाधिक वापर करण्यावर भर दिला जात आहे. (Pune Metro News)
https://prahaar.in/2026/05/22/mumbai-bmc-makes-4-way-waste-segregation-mandatory-for-bulk-waste-generators-amid-growing-garbage-crisis/