अकोला : अकोल्यातील रामदासपेठ परिसरात आज म्हणजेच गुरुवार २१ मे दुपारी मोठी खळबळ उडाली. शहरातील प्रसिद्ध ‘सिटी हॉस्पिटल’ला अचानक भीषण आग लागल्याने खळबळ उडाली. गजबजलेल्या मध्यवर्ती भागात असलेल्या या रुग्णालयातून धुराचे मोठमोठे लोट बाहेर येताना दिसताच परिसरात एकच गोंधळ उडाला. घटनेच्या वेळी हॉस्पिटलमध्ये विविध आजारांवर उपचार घेणारे अनेक रुग्ण दाखल होते. त्यामुळे रुग्ण, त्यांचे नातेवाईक आणि रुग्णालय प्रशासनामध्ये भीतीचे वातावरण निर्माण झाले. (Akola City Hospital Fire)
https://prahaar.in/2026/05/21/bandra-encroachment-removal-campaign-stone-pelting-case-in-bandra-heats-up-police-arrest-16-people-from-garib-nagar/
प्राथमिक माहितीनुसार, आग शॉर्ट सर्किटमुळे लागल्याची शक्यता वर्तवली जात आहे. मात्र, नेमके कारण अद्याप स्पष्ट झालेले नाही. आग लागल्यानंतर काही वेळ परिसरातील वीजपुरवठाही खंडित करण्यात आला होता. आगीमुळे हॉस्पिटलमधील काही उपकरणांचे आणि आतील विभागांचे नुकसान झाल्याची भीती व्यक्त केली जात आहे. (Akola City Hospital Fire)
https://prahaar.in/2026/05/21/hardik-pandya-big-blow-to-mumbai-indians-bcci-action-against-hardik-pandya/
घटनेनंतर रुग्णालयाबाहेर रुग्णांच्या नातेवाईकांनी मोठी गर्दी केली होती. आपल्या नातेवाईकांची सुरक्षितता जाणून घेण्यासाठी अनेकांची धावपळ सुरू होती. काही नातेवाईकांनी प्रशासनाकडून तत्काळ माहिती न मिळाल्याबद्दल नाराजीही व्यक्त केली. (Akola City Hospital Fire)
https://prahaar.in/2026/05/21/weather-update-imd-alert-the-next-15-hours-are-dangerous-thunderstorms-in-17-states-while-heatwave-in-north-india/
या घटनेमुळे अकोला शहरात एकच खळबळ उडाली असून, खासगी रुग्णालयांतील अग्निसुरक्षा व्यवस्थेवर पुन्हा प्रश्नचिन्ह उपस्थित झाले आहे. प्रशासनाकडून या घटनेची चौकशी सुरू करण्यात आली असून, सुरक्षा नियमांचे पालन झाले होते का, याचाही तपास केला जाणार आहे. (Akola City Hospital Fire)