जगभरात खळबळ उडवणारी एक मोठी घटना समोर आली आहे. युक्रेनने गंभीर आरोप करत दावा केला आहे की, रशियन ड्रोन हल्ल्यात चिनी मालकीच्या जहाजालाही लक्ष्य करण्यात आले आहे. या घटनेमुळे आंतरराष्ट्रीय राजकारणात मोठी चर्चा सुरू झाली असून रशिया आणि चीनच्या संबंधांवरही प्रश्न उपस्थित केले जात आहेत.
https://prahaar.in/2026/05/19/pune-news-young-men-and-women-doing-kiss-in-actress-shilpa-shetty-club-act-was-done-in-a-crowded-place-video-went-viral-pub-culture-in-pune-is-again-in-controversy/
माध्यमांच्या वृत्तानुसार, काळ्या समुद्र परिसरात रशियन ड्रोन हल्ल्यादरम्यान दोन नागरी जहाजांना लक्ष्य करण्यात आले. युक्रेनच्या बंदर प्रशासनाने सांगितले की, या जहाजांपैकी एक मार्शल आयलंड्सच्या ध्वजाखाली कार्यरत होते, तर दुसरे गिनी-बिसाऊच्या ध्वजाखाली होते. दोन्ही जहाजे ओडेसा बंदराच्या दिशेने जात होती.
युक्रेनियन नौदलाने दावा केला की, चिनी मालकीचे ‘केएसएल देयांग (KSL Deyang)’ हे मालवाहू जहाजही या हल्ल्यात नुकसानग्रस्त झाले. जहाजावर चिनी कर्मचारी कार्यरत असल्याची माहिती समोर आली आहे. युक्रेनियन अधिकाऱ्यांनी जहाजाच्या नुकसानीचे काही फोटोही प्रसिद्ध केल्याचा दावा केला जात आहे.
The Irony of Tyranny: Russia Attacks Chinese Commerce in Black Sea Blunder
In a striking display of strategic blindness, a Russian drone struck a Chinese merchant vessel in Ukrainian waters. Tyrannies do not build stable alliances; they export chaos that eventually consumes… pic.twitter.com/10IkcSKNwT
— Unit News (@Unit_News) May 18, 2026
https://prahaar.in/2026/05/19/prashant-kishor-is-the-new-political-advisor-of-ncp/
ओडेसा हे युक्रेनसाठी अत्यंत महत्त्वाचे सागरी आणि व्यापारी केंद्र मानले जाते. रशिया आणि युक्रेन यांच्यातील युद्ध सुरू झाल्यापासून या भागात सातत्याने हल्ले होत आहेत. मात्र, चिनी मालकीच्या जहाजाचे नाव समोर आल्याने या प्रकरणाकडे संपूर्ण जगाचे लक्ष लागले आहे.
https://prahaar.in/2026/05/19/three-killed-in-shooting-at-islamic-center-in-us/