Thailand Open २०२६ मधून भारतासाठी मोठी आनंदाची बातमी आली आहे. भारतीय स्टार जोडी सात्विकसाईराज रंकीरेड्डी आणि चिराग शेट्टी यांनी उपांत्य फेरीत शानदार विजय मिळवला आहे आणि अंतिम फेरीत प्रवेश केला आहे. या हंगामात प्रथमच बॅडमिंटन वर्ल्ड फेडरेशन (Badminton World Federation) वर्ल्ड टूर सुपर ५०० स्पर्धेच्या विजेतेपदासाठी भारतीय जोडी मैदानात उतरणार आहे.
उपांत्य फेरीत रोमांचक विजय
उपांत्य फेरीत सात्विक–चिराग यांनी मलेशियाच्या गोह से फी आणि नूर इज्जुद्दीन रुमसानी या जोडीवर १८-२१, २२-२०, २१-१२ असा थरारक विजय मिळवला.दुसऱ्या गेममध्ये त्यांनी तणावपूर्ण परिस्थितीत दोन गेम पॉइंट्स वाचवत २२-२० ने गेम जिंकला. त्यानंतर निर्णायक गेममध्ये आक्रमक स्मॅश, अचूक नेट प्ले आणि उत्तम समन्वयाच्या जोरावर भारतीय जोडीने २१-१२ ने सामना आपल्या नावावर केला. हा सामना तब्बल १ तास २२ मिनिटे चालला.
TOYOTA Thailand Open 2026
MD – SF
🇮🇳Satwiksairaj RANKIREDDY🏅
19 22 21 🇮🇳Chirag SHETTY🏅
🇲🇾GOH Sze Fei
21 20 16 🇲🇾Nur IZZUDDIN🕚 in 82 minutes
— BWFScore (@BWFScore) May 16, 2026
क्वार्टर फायनलमध्ये जपानी जोडीवर सहज विजय
याआधी उपांत्यपूर्व फेरीत सात्विक–चिराग यांनी जपानच्या Takumi Nomura आणि Yuichi Shimogami या जोडीचा २१-१२, २१-१३ असा सरळ गेममध्ये पराभव केला. या सामन्यात भारतीय जोडीने सुरुवातीपासूनच वर्चस्व दाखवले होते. पहिल्याच गेममध्ये त्यांनी १०-० अशी मोठी आघाडी घेत सामना पूर्णपणे आपल्या नियंत्रणात ठेवला होता.
https://prahaar.in/2026/05/16/kkr-vs-gt-do-or-die-situation-for-kkr-gujarat-target-top-two-high-voltage-match-at-eden-gardens-today/
अंतिम फेरीत कोणाशी भिडणार?
सध्या जागतिक क्रमवारीत चौथ्या स्थानावर असलेली सात्विक–चिराग जोडी अंतिम फेरीत इंडोनेशियाच्या Leo Rolly Carnando – Daniel Marthin किंवा चीनच्या He Ji Ting – Ren Xiang Yu या जोडींपैकी एका जोडीशी सामना करणार आहे. विशेष म्हणजे, सात्विक–चिराग यांनी शेवटचा अंतिम सामना २०२५ मध्ये China Masters मध्ये खेळला होता. २०२४ मध्ये Thailand Open जिंकल्यानंतर ते पुन्हा एकदा विजेतेपदाच्या जवळ पोहोचले आहेत.
इतर भारतीय खेळाडूंची कामगिरी
या स्पर्धेत इतर भारतीय खेळाडूंना मात्र यश मिळाले नाही. P. V. Sindhu हिला उपांत्यपूर्व फेरीत जपानच्या अकाने यामागुची कडून १९-२१, २१-१८, १५-२१ असा पराभव स्वीकारावा लागला. तर पुरुष एकेरीत लक्ष्य सेन याचा थायलंडच्या कुनलावुत विटिडसार्नने १९-२१, १६-२१ असा पराभव केला.