IPL 2026 : आयपीएल २०२६ मध्ये आज ५८ वा सामना खेळला जाणार आहे. हा सामना मुंबई इंडियन्स विरुद्ध पंजाब किंग्स यांच्यात धर्माशाळाच्या एचपीसीए स्टेडियमवर खेळला जाणार आहे. सलग चार पराभावनंतर पंजाब दबावाखाली आहे. दुसरीकडे मुंबई प्लेऑफ रेसमधून बाहेर झाली आहे. यामुळे मुंबई फियरलेस क्रिकेट खेळताना दिसू शकते.

श्रेयस अय्यरच्या नेतृत्वात पंजाब किंग्सने हंगामाची सुरुवात चांगली केली होता. मात्र मागील चार सामन्यांपासुन संघाची लय हरपलेली दिसली. सलग चार पराभवामुळे प्लेऑफ रेसमधून बाहेर होण्याचा धोक्का निर्माण झाला आहे. पंजाबने आतापर्यंत ११ पैकी सहा सामने जिंकले आहेत. त्यांचा एक सामना पाऊसामुळे वाया गेला,त्यामुळे १३ गुणांसह पंजाब गुणतालिकेत चवथ्या स्थानावर आहे.प्लेऑफसाठी पात्र होण्यासाठी पंजाबला उर्वरित तीन पैकी दोन सामने जिंकणयाची गरज आहे. दुसरीकडे आरसीबीच्या विरुद्धात झालेल्या पराभवानंतर मंबईचे प्लेऑफ आव्हान संपुष्टात आले आहे. हा हंगामा मुंबईसाठी त्यांच्या आयपीएल इतिहसातील सर्वात खराब हंगामा गेला आहे. संघाने ११ पैकी तीन सामने जिंकले आहेत. सहा गुणांसह ते नव्या स्थानावर आहेत.

पंजाबसाठी या हंगामात प्रत्येक फलंदाजानी चांगली कामगिरी केली आहे. कूपर कॉनोलीने संघासाठी सर्वाधिक धावा केल्या आहेत. त्याने ११ सामन्यात ४१५ धावा केल्या आहेत. यात त्याने एक शतक आणि दोन अर्धशतक ही केले आहेत. या हंगामात पंजाबच्या गोलंदाजीचा इकॉनमी रेट सर्व दहा संघांपैकी सर्वात खराब आहे. अर्शदीप सिंहने संघासाठी ११ सामन्यात १३ विकेट्स घेतले आहेत. मंबई इंडियन्ससाठी रायन रिकेल्टनने सर्वधिक धावा केल्या आहेत त्याने आठ सामन्यात ३८० धावा केल्या आहेत. गोलंदाजीत एएम घझनफरने ९ सामन्यात सर्वाधिक १३ विकेट्स घेतल्या आहेत.

https://prahaar.in/2026/05/14/rcb-vs-kkr-ipl-2026-royal-challengers-bengaluru-won-by-6-wickets-against-kolkata-knight-riders-virat-kohli-smashed-century/

हेड टु हेड

आयपीएलच्या इतिहासात मुंबई आणि पंजाबमध्ये आतापर्यंत ३५ वेळा लढत झाली आहे. यात दोघांनीही १७-१७ सामने जिंकले आहेत, तर एक सामना पाऊसमुळे परिणामहीन झाला होता .आज जिंकणार संघ आघाडीवर येईल. यामुळे हा सामना रोमांचक होईल यात काही शंका नाही आहे.

कशी असेल खेळपट्टी ?
धर्मशाळा हिमाचल प्रदेश क्रिकेट स्टेडियम देशातील सर्वात सुंदर क्रिकेट मैदानांपैकी एक मानला जातो. हा मैदान फलंदाजीसाठी अनुकूल मानला जातो. या सामन्यात ही मोठी धावसंख्या होण्याची अपेक्षा मानली जात आहे.

दोन्ही संघांची संभाव्य प्लेइंग-XII

पंजाब किंग्स- प्रियांश आर्या, प्रभसिमरन सिंग (यष्टीरक्षक), कूपर कोनोली, श्रेयस अय्यर (कर्णधार), मार्कस स्टोयनिस, सूर्यांश शेडगे, मार्को यानसन, लॉकी फर्ग्युसन, अर्शदीप सिंग, युजवेंद्र चहल, यश ठाकूर. इम्पॅक्ट प्लेयर: शशांक सिंग.

मुंबई इंडियन्स- रायन रिकेल्टन (यष्टीरक्षक), नमन धीर, सूर्यकुमार यादव (कर्णधार), तिलक वर्मा, विल जॅक्स, राज बावा, कॉर्बिन बॉश, शार्दुल ठाकूर, दीपक चहर, अल्लाह गजनफर आणि जसप्रीत बुमराह. इम्पॅक्ट प्लेयर: रोहित शर्मा.