अकोला : ‘ऐका ना…’ म्हणत प्रेक्षकांच्या मनात खास स्थान निर्माण करणारी लोकप्रिय यूट्यूबर (YouTuber) स्वानंदी सरदेसाई हिने अक्षय तृतीयेच्या शुभमुहूर्तावर लग्नगाठ बांधत आयुष्याच्या नव्या प्रवासाला सुरुवात केली. १९ एप्रिल रोजी अतिशय साध्या, पारंपरिक आणि मोजक्या नातेवाईकांच्या उपस्थितीत पार पडलेल्या या लग्नाची सोशल मीडियावरही जोरदार चर्चा रंगली होती.

https://prahaar.in/2026/05/12/smita-paygude-anjute-will-play-the-mysterious-rangi-in-ghabadkund/

लग्नानंतर आता स्वानंदीनं नवरा विक्रांतसोबतचा पहिला व्लॉग (Vlog) चाहत्यांसाठी शेअर केला असून, या व्हिडिओची सध्या सोशल मीडियावर मोठ्या प्रमाणात चर्चा सुरू आहे. या व्लॉगमध्ये तिनं लग्नानंतरच्या नव्या आयुष्याबद्दल, सासरच्या आठवणींबद्दल आणि नव्या नात्यांविषयी मनमोकळेपणाने संवाद साधला आहे.

कोकणातील संस्कृती, परंपरा आणि ग्रामीण जीवनशैली आपल्या व्हिडिओतून जपणारी स्वानंदी आता कोकणची नव्हे तर अकोल्याची सून झाली आहे. लग्नानंतर ती नवरा विक्रांतसोबत अकोल्याला सासरी गेली होती. तिथे नवीन नातेवाईकांच्या भेटीगाठी, देवदर्शन, पूजा आणि इतर पारंपरिक कार्यक्रम पार पडल्याचं तिनं व्लॉगमध्ये सांगितलं.

स्वानंदी म्हणाली, “१९ एप्रिलला आमचं लग्न झालं. ठरवून नाही, पण स्वभावत: साधेपणा आवडत असल्यामुळे आम्ही अगदी जवळच्या आणि मोजक्या नातेवाईकांच्या उपस्थितीत पारंपरिक पद्धतीने लग्न केलं.”

https://prahaar.in/2026/05/12/deool-band-2-movie/

पुढे ती म्हणाली, “लग्नानंतर मी सासरी अकोल्याला गेले होते. तिथे सगळ्या नवीन नातेवाईकांना भेटणं, देवदर्शन, पूजा आणि विविध कार्यक्रम झाले. आता दोन-तीन दिवसांपूर्वी पुन्हा माहेरी कोकणात आले आहे. आता इकडची देवदर्शनं आणि इतर कार्यक्रम होणार आहेत.”

स्वानंदीच्या या साधेपणाने आणि तिच्या नव्या आयुष्याच्या सुरुवातीने चाहत्यांचं पुन्हा एकदा मन जिंकलं आहे.