मुंबई : भारतीय क्रिकेट संघाचा वर्ल्ड कप विजेता कर्णधार रोहित शर्मा (Rohit Sharma) आता एका नव्या भूमिकेतून प्रेक्षकांच्या भेटीला येणार आहे. सोनी पिक्चर्स ने रोहित शर्माच्या बहुप्रतिक्षित एंटरटेनमेंट डेब्यूची घोषणा करत एक खास टीझर प्रदर्शित केला आहे. या टीझरनंतर सोशल मीडियावर चाहत्यांमध्ये प्रचंड उत्सुकता निर्माण झाली असून रोहितचा हा नवा अंदाज पाहण्यासाठी चाहते आतुर झाले आहेत.

टीझरमध्ये रोहित शर्मा चाहत्यांच्या प्रचंड गर्दीने वेढलेला दिसतो. यावेळी चाहते त्याच्याकडे त्याची प्रसिद्ध ओळ “कोणीही गार्डनमध्ये फिरणार नाही” पुन्हा पुन्हा म्हणण्याची मागणी करताना दिसतात. मैदानावर सहज बोललेली ही ओळ काही दिवसांतच सोशल मीडियावर जबरदस्त व्हायरल झाली होती आणि आता तीच ओळ पुन्हा एकदा चर्चेचा विषय ठरत आहे.

https://prahaar.in/2026/05/09/r-vs-gt-gujarat-vs-rajasthan-match-in-ipl-today-decisive-match-for-both/

या संपूर्ण क्रेझवर प्रतिक्रिया देताना रोहित शर्मा मजेशीर अंदाजात म्हणतो, “दोन ओळी काय बोललो, तर इतकं व्हायरल झालं… आता माझा पूर्ण शो आला तर काय होईल?” रोहितचा हा संवाद चाहत्यांना विशेष भावला असून टीझरला मोठा प्रतिसाद मिळत आहे.

https://prahaar.in/2026/05/09/iran-america-war-indian-ship-sunk-in-us-iran-attack-one-indian-dead/

Rohit Sharma is bringing some entertaining and big show with Sony LIV. It’s going to be fun, eagerly waiting for it.⏳🤗#RohitOnSony#RohitSharmaDebut

pic.twitter.com/XGUj40Z2fu

— 𝐑𝐮𝐬𝐡𝐢𝐢𝐢⁴⁵ (@rushiii_12) May 8, 2026

हास्य, करिष्मा आणि मनोरंजनाचा तडका असलेला हा टीझर पाहून रोहित शर्मा केवळ क्रिकेट मैदानावरच नव्हे, तर मनोरंजन विश्वातही धमाल उडवणार असल्याचे संकेत मिळत आहेत. आपल्या खास विनोदबुद्धी आणि सहज व्यक्तिमत्त्वामुळे तो छोट्या पडद्यावरही प्रेक्षकांची मनं जिंकणार, अशी चर्चा रंगली आहे. हा आगामी एंटरटेनमेंट शो Sony Entertainment Television आणि SonyLIV वर प्रदर्शित होणार असून लवकरच याबाबत अधिकृत माहिती जाहीर केली जाणार आहे. सध्या मात्र रोहित शर्माच्या या नव्या इनिंगची चाहत्यांमध्ये जोरदार चर्चा सुरू आहे.