तामिळनाडू : तामिळनाडू विधानसभा निवडणुकीचे निकाल आज जाहीर होत असून राज्यातील राजकीय वातावरण अत्यंत चुरशीचे बनले आहे. यंदा चार प्रमुख पक्षांमध्ये थेट लढत झाल्यामुळे स्पष्ट अंदाज बांधणे कठीण ठरत आहे. मतमोजणीदरम्यान सतत बदलणारे आकडे राजकीय समीकरणे अधिकच गुंतागुंतीची करत आहेत. अशातच अभिनेता थलपथी विजय (Thalapathy Vijay) यांच्या टीव्हीके पक्षाच्या कामगिरीकडे संपूर्ण देशाचे लक्ष लागले आहे.
निवडणूक आयोगाच्या ताज्या आकडेवारीनुसार एआयएडीएमके आघाडीवर असून काही जागांवर त्यांनी आघाडी घेतली आहे. दुसऱ्या क्रमांकावर विजय यांचा टीव्हीके पक्ष झपाट्याने पुढे येताना दिसत आहे. डीएमके आणि सीपीआय देखील काही जागांवर स्पर्धेत टिकून आहेत. एकूण चित्र पाहता, टीव्हीके सुमारे ८३ जागांवर आघाडीवर असल्याचे दिसत आहे, तर एआयएडीएमके ५८, डीएमके ३४, पीएमके ४, काँग्रेस ३ आणि बीजेपी १ जागेवर पुढे आहेत.
https://prahaar.in/2026/05/03/results-for-five-states-to-be-announced-on-monday-who-will-receive-the-voters-mandate/
दरम्यान, या निवडणुकीत टीव्हीकेने स्वतःला ‘परिवर्तनाची ताकद’ म्हणून सादर केले होते. पारंपरिक द्रविड पक्षांपासून कंटाळलेल्या मतदारांना आकर्षित करण्यात आपण यशस्वी झाल्याचा पक्षाचा दावा आहे. त्यामुळे या निकालांचा परिणाम केवळ सरकार स्थापनेपुरता मर्यादित राहणार नाही, तर राज्याच्या भविष्यातील राजकारणाची दिशा ठरवणारा ठरेल.
https://prahaar.in/2026/05/04/as-soon-as-the-daughter-got-married-the-indoreites-gave-a-befitting-reply-to-the-trolls-stating-that-the-situation/
सध्याच्या कलांनुसार, काँग्रेस सुमारे ६३ जागांवर, मार्क्सवादी कम्युनिस्ट पार्टी २५, कम्युनिस्ट पार्टी ९, आययूएमएल २३ आणि केईसी ७ जागांवर आघाडीवर असल्याचे दिसत आहे. त्यामुळे केरळमध्येही सत्तांतर होणार की एलडीएफ पुन्हा सत्ता राखणार, याकडे सर्वांचे लक्ष लागले आहे.
https://prahaar.in/2026/05/04/petrol-diesel-price-relief-before-election-results-petrol-diesel-prices-still-stable/