पश्चिम आशियातील संघर्षादरम्यान इराणने होर्मुज सामुद्रधुनीत बारूदी सुरुंगांची पेरणी करून हा मार्ग अत्यंत धोकादायक बनवला आहे. स्वतः इराणी सैन्यालाही या सुरुंग नेमक्या कुठे-कुठे टाकल्या आहेत, याची पूर्ण माहिती नाही. या सुरंगा आता अमेरिकन सैन्य आपल्या विशेष जहाजांच्या मदतीने हटवण्याच्या मोहिमेत उतरले आहे. पेंटागॉनने सांगितले की, हे काम पूर्ण होण्यासाठी सहा महिन्यांपर्यंत कालावधी लागू शकतो. राष्ट्राध्यक्ष डोनाल्ड ट्रम्प यांनी हे प्रयत्न तिप्पट वेगाने करण्याचे आदेश दिले आहेत.

अमेरिकन संसदेच्या खालच्या सभागृहातील प्रतिनिधी सभेच्या सशस्त्र सेवा समितीसमोर नुकत्याच झालेल्या गोपनीय सादरीकरणात पेंटागॉन अधिकाऱ्यांनी या सुरुंगा हटवण्यासाठी सहा महिन्यांचा अंदाज व्यक्त केला. संरक्षणमंत्री पीट हेगसेथ यांनी या आकड्याची पुष्टी करण्यास नकार दिला, मात्र तो फेटाळलाही नाही. त्यांनी सांगितले की, योग्य कालमर्यादेत या सुरंगा हटवण्याच्या क्षमतेवर सैन्याला पूर्ण विश्वास आहे. ट्रम्प यांनी दोन दिवसांपूर्वीच सांगितले होते की, अमेरिकन माइनस्वीपर जहाजे आधीपासूनच सामुद्रधुनी साफ करत आहेत. त्यांनी ही कारवाई तिप्पट प्रमाणात वाढवण्याचे आदेश दिले आहेत. तसेच, सामुद्रधुनीत बारूदी सुरुंग टाकणाऱ्या कोणत्याही बोटीवर हल्ला करण्याचे स्वतंत्र आदेशही नौदलाला दिले आहेत.

https://prahaar.in/2026/04/26/delhi-airport-swiss-air-plane-engine-catches-fire-at-delhi-airport-6-passengers-injured/

बारूदी सुरुंग हटवणे हे अत्यंत कष्टसाध्य काम आहे. अमेरिकन सैन्याचे माजी अधिकारी आणि या विषयातील तज्ज्ञांच्या मते, हे काम सामान्यतः संघर्ष संपल्यानंतरच सुरू केले जाते आणि त्याला बराच वेळ लागतो. त्यांच्या मते, बारूदी सुरंगांचा शोध घेणे म्हणजे बागेत एकेक करून तण उपटण्यासारखे आहे. तर सुरंगा हटवणे म्हणजे गवत कापण्यासारखे काम आहे. तथापि, प्रत्येक सुरंग हटवणे नेहमीच आवश्यक नसते, असेही त्यांनी सांगितले. आजही काही भाग असे आहेत, जे दुसऱ्या महायुद्धातील आणि काही ठिकाणी पहिल्या महायुद्धातील स्फोटक अवशेषांपासून पूर्णपणे मुक्त झालेले नाहीत, कारण हे काम खूप खर्चिक आणि वेळखाऊ आहे.

अमेरिकेच्या एका संरक्षण अधिकाऱ्याने माध्यमांना सांगितले की, पश्चिम आशियात सध्या अमेरिकन नौदलाकडे दोन किनारी युद्धनौका आहेत, ज्या बारूदी सुरंगांचा शोध घेऊ शकतात. जपानमध्ये तैनात असलेल्या दोन अमेरिकन ‘अॅव्हेंजर’ श्रेणीतील सुरंग हटवणाऱ्या जहाजांनाही पश्चिम आशियाकडे रवाना करण्यात आले आहे. सध्या अमेरिकन सैन्य होर्मुजमध्ये आपली युद्धनौका वापरत आहे की नाही, याबाबत मात्र कोणताही स्पष्ट संकेत मिळालेला नाही.