नाशिकमधील भोंदूबाबा Ashok Kharat याच्या अडचणीत मोठी भर पडली आहे. अंमलबजावणी संचालनालय (ED) आणि आयकर विभागाने केलेल्या संयुक्त धाडीत कोट्यवधी रुपयांच्या बेनामी व्यवहारांचे ठोस पुरावे समोर आले आहेत. फसवणूक आणि खंडणीतून मिळालेला पैसा जमिनींमध्ये गुंतवून मोठे आर्थिक जाळे उभारल्याचा संशय तपासात व्यक्त करण्यात आला आहे.

‘कच्च्या नोंदी’तून उघड झाले व्यवहार :

तपासादरम्यान खरातच्या घरातून मालमत्तेच्या ‘कच्च्या नोंदी’ असलेली कागदपत्रे जप्त करण्यात आली. अधिकृत नोंदणी टाळून केवळ 500 रुपयांच्या स्टॅम्प पेपरवर व्यवहार करून अनेक जमिनी स्वतःच्या ताब्यात घेतल्याचे समोर आले आहे. कर चुकवण्यासाठी आणि काळा पैसा पांढरा करण्यासाठी हा मार्ग वापरला जात असल्याचा संशय आहे.

https://prahaar.in/2026/04/17/iran-america-war-10-day-ceasefire-in-the-middle-east-a-big-step-towards-peace-announced-by-donald-trump/

१० कोटींच्या मालमत्तेचे धागेदोरे :

या धाडीत १० कोटी रुपयांहून अधिक किमतीच्या मालमत्तेशी संबंधित कागदपत्रे जप्त झाली आहेत. मनी लाँड्रिंगसाठी ‘शेल कंपन्या’ वापरल्याचा संशय असून, त्याद्वारे व्यवहारांची साखळी लपवली गेल्याची शक्यता तपास यंत्रणांनी व्यक्त केली आहे. बँक खाते, CDR आणि आयकर रिटर्नची सखोल छाननी सुरू आहे.

पत्नीच्या जामीनावर सुनावणी पुढे ढकलली :

या प्रकरणात अशोक खरातला अटक करण्यात आली असून, त्याची पत्नी कल्पना खरात अद्याप फरार आहे. तिच्या अटकपूर्व जामीन अर्जावर न्यायालयात सुनावणी सुरू असून ती पुढे ढकलण्यात आली आहे. आता या प्रकरणाची पुढील सुनावणी २२ एप्रिल रोजी होणार आहे.