मुंबई : भारतीय बुद्धिबळपटू आर. वैशाली (R Vaishali) हिने इतिहास रचत सायप्रसमध्ये झालेली फिडे महिला कॅन्डिडेट्स टूर्नामेंट २०२६ जिंकली. ही स्पर्धा जिंकणारी ती पहिली भारतीय महिला ठरली असून भारतीय बुद्धिबळासाठी हा अभिमानाचा क्षण आहे.

या शानदार कामगिरीमुळे वैशालीला आता महिला विश्वचॅम्पियनशिपमध्ये चीनच्या विद्यमान विजेत्या जू वेनजुन (Ju Wenjun) विरुद्ध खेळण्याची संधी मिळणार आहे. हा सामना वर्षाच्या अखेरीस होणार असून त्याचे बक्षीस सुमारे २.७ कोटी रुपये आहे.

महान बुद्धिबळपटू विश्वनाथन आनंद (Viswanathan Anand) यांनी वैशालीच्या या यशाला ऐतिहासिक संबोधले आहे. त्यांनी नमूद केले की, आता ओपन आणि महिला अशा दोन्ही विश्वचॅम्पियनशिपमध्ये भारताचे प्रतिनिधित्व असेल. विशेष म्हणजे डी. गुकेश (D Gukesh) आधीच ओपन विश्वविजेता ठरला आहे.

https://prahaar.in/2026/04/16/relief-in-hormuz-tension-jag-vikram-lpg-ship-safely-arrives-at-kandla-port/

अंतिम फेरीत वैशालीचा विजय इतर सामन्यांच्या निकालांवर अवलंबून होता. दिव्या देशमुख हिने बिबिसारा असोबायेवाविरुद्ध सामना बरोबरीत ठेवत वैशालीसाठी मार्ग मोकळा केला. त्यानंतर पांढऱ्या मोहऱ्यांनी खेळताना वैशालीने कॅटेरिना लॅग्नोवा (Kateryna Lagn) हिच्यावर मात करत विजेतेपद पटकावले.

स्पर्धेदरम्यान वैशालीने टॅन झोंगयी (Tan Zhongyi) आणि अलेक्झांड्रा गोर्याचकिना (Alexandra Goryachkina) यांसारख्या बलाढ्य प्रतिस्पर्ध्यांना पराभूत केले. ॲना मुझीचुक (Anna Muzychuk) विरुद्धचा सामना बरोबरीत सोडवत तिने महत्त्वाचे गुण मिळवले. जरी Zhu Jiner विरुद्ध तिला दोन पराभव पत्करावे लागले, तरी तिने जोरदार पुनरागमन करत स्पर्धा आपल्या नावावर केली.

https://prahaar.in/2026/04/16/nashik-mnc-forced-conversion-case-7-people-arrested-in-womens-torture-and-conversion-case-main-mastermind-nida-khan-absconding/

या विजयासह वैशालीने सुमारे २५ लाख रुपयांचे पारितोषिकही जिंकले आहे. तिचा हा पराक्रम भारतीय बुद्धिबळासाठी नवा मैलाचा दगड ठरत आहे.