छत्तीसगडमधील कांकेर (Chhattisgarh Accident) जिल्ह्यातील कोतवाली पोलीस ठाण्याच्या हद्दीत गुरुवारी (९ एप्रिल) उशिरा रात्री नाथिया नवागावाजवळ दोन गाड्यांची समोरासमोर धडक झाली. या अपघातात सहा जणांचा जागीच मृत्यू झाला, तर तीन जण गंभीर जखमी झाले आहेत.

नेमकं प्रकरण काय ?

कोतवाली पोलिसांकडून मिळालेल्या माहितीनुसार, रात्री सुमारे ११ वाजण्याच्या सुमारास हा अपघात (Chhattisgarh Accident) झाला. मृत कुटुंब कांकेरमधील उडकुडा येथील रहिवासी होते. सांगितले जात आहे की, सर्वजण चीवरांज येथे लग्न समारंभाला उपस्थित राहून आपल्या गावाकडे उडकुडाला परतत होते. त्यावेळी नाथिया नवागावाजवळ त्यांच्या गाडीची दुसऱ्या गाडीशी धडक झाली. दोन्ही गाड्या वेगात होत्या आणि धडक इतकी भीषण होती की वाहनांचे तुकडे तुकडे झाले.

गाडीमधील एकाच कुटुंबातील ३ महिला, २ पुरुष आणि एका मुलाचा जागीच मृत्यू झाला. तर दुसऱ्या गाडीमधील ३ जण गंभीर जखमी झाले आहेत.

सर्वांची प्रकृती गंभीर :

घटनेची माहिती मिळताच पोलीस प्रशासन तात्काळ घटनास्थळी (Chhattisgarh Accident) पोहोचले आणि जखमींना त्वरित रुग्णालयात दाखल करण्यात आले, जिथे त्यांच्यावर उपचार सुरू आहेत. कांकेरचे पोलीस अधीक्षक निखिल राखेचा यांनीही घटनास्थळाची पाहणी केली. अपघातातील तिन्ही जखमींना तातडीने अॅम्ब्युलन्सच्या मदतीने जिल्हा रुग्णालय कांकेर येथे हलविण्यात आले. डॉक्टरांच्या माहितीनुसार, सर्वांची प्रकृती गंभीर असून त्यांच्यावर सतत लक्ष ठेवण्यात येत आहे. सध्या पोलीस संपूर्ण प्रकरणाची चौकशी करत असून अपघाताचे कारण शोधण्याचा प्रयत्न केला जात आहे.

पोलिसांकडून पुढील चौकशी सुरु :

कांकेरचे पोलीस अधीक्षक निखिल राखेचा यांनी सांगितले की, नाथिया नवागावाजवळ दोन गाड्यांच्या धडकेत (Chhattisgarh Accident) सहा जणांचा मृत्यू झाला असून तीन जण जखमी आहेत. पोलीस या प्रकरणाची चौकशी करत असून मृतांची ओळख पटवणे आणि इतर माहिती गोळा करण्याचे काम सुरू आहे. जखमींवर उपचार झाल्यानंतर त्यांच्याकडूनही माहिती घेतली जाणार आहे. मृतदेहांचा पंचनामा करून पोस्टमॉर्टमसाठी मॉर्चुरीमध्ये ठेवण्यात आले असून, पोस्टमॉर्टमनंतर मृतदेह नातेवाईकांच्या ताब्यात देण्यात येणार आहेत. (Chhattisgarh Accident)