स्विगीच्या विविध ऑफरिंग्समधून मिळणार मॅरियट बॉनव्हॉयचे फायदे

मुंबई : मॅरियट इंटरनॅशनलचा पुरस्कारप्राप्त ट्रॅव्हल प्रोग्राम मॅरियट बॉनव्हॉय आणि भारतातील अग्रेसर ऑन-डिमांड प्लॅटफॉर्म स्विगी एकत्र आले आहेत ज्यामुळे आता मॅरियट बॉनव्हॉयचे फायदे भारतीय ग्राहकांना त्यांच्या रोजच्या आयुष्यातही सहज मिळणार आहेत. ही नवी भागीदारी भारतातील हॉटेल क्षेत्रातील विश्वासार्ह ब्रँड मॅरियट बॉनव्हॉय आणि रोजच्या गरजांसाठी लोकप्रिय असलेला स्विगी यांना एकत्र आणते, ज्यामुळे आता दोन्ही ब्रँडचे सदस्य स्विगीवरून फूड डिलिव्हरी, क्विक कॉमर्स किंवा डायनिंग आऊट करताना मॅरियट बॉनव्हॉयचे पॉइंट्स कमवू शकतात, म्हणजेच, प्रवासापुरते मर्यादित असलेले मॅरियट बॉनव्हॉयचे फायदे आता रोजच्या खरेदी-ऑर्डरमध्येही मिळणार आहेत.

ही भागीदारी तुमचे रोजचे व्यवहार आणि खास प्रवासाचे अनुभव यांचा दुवा आहे, ज्या सदस्यांनी आपली खाती जोडली आहेत, त्यांना दैनंदिन खरेदी-ऑर्डरवर पॉइंट्स मिळतील आणि हे पॉइंट्स वापरून ते जगभरातील मॅरियट बॉनव्हॉयच्या हॉटेल्स आणि खास अनुभवांमध्ये विविध फायदे व बक्षिसे घेऊ शकतील.

या भागीदारीमुळे मॅरियट बॉनव्हॉय सदस्यांना आता स्विगीच्या फूड डिलिव्हरी, इन्स्टामार्ट आणि डायनआऊट सारख्या सेवांवर प्रत्येक 500 रुपयांच्या खर्चामागे पाच पॉइंट्स मिळतील. त्यामुळे सदस्यांना आता फक्त प्रवास करतानाच नाही, तर रात्रीचं जेवण मागवताना, रेस्टॉरंटमध्ये टेबल बुक करताना, मित्रांना घरी जेवायला बोलावताना किंवा किराणा आणि इतर गरजेच्या वस्तू खरेदी करतानाही पॉइंट्स जमा करता येतील. रोजच्या व्यवहारांनाही पॉइंट्स मिळवण्याची संधी देत मॅरियट बॉनव्हॉय आता ग्राहकांच्या दैनंदिन आयुष्यात अधिक जवळ पोहोचत आहे, आणि सदस्यांच्या लाइफस्टाइल निवडींना अधिक मूल्य देत आहे.

अतिरिक्त खास लाभ म्हणून, मॅरियट बॉनव्हॉय एलिट सदस्यांना सर्व स्तरांमध्ये (सिल्व्हर, गोल्ड, प्लॅटिनम, टिटॅनियम आणि अॅम्बेसेडर) स्विगी वनचे मोफत सदस्यत्व मिळणार आहे. देशातील हा एकमेव सदस्यत्व कार्यक्रम आहे ज्यामध्ये फूड डिलिव्हरी, क्विक कॉमर्स आणि डायनिंग आऊटवर फायदे मिळतात, तसेच मोफत डिलिव्हरी आणि खास सवलतींची सुविधाही मिळते.

आतिथ्यावर आधारित विश्वास नेहमी प्रवासाच्या क्षणांभोवती केंद्रित असायचा, ज्यात निवास आणि फिरणे यांदरम्यान सहभाग जास्त असायचा. मॅरियट बॉनव्हॉय ही नेहमीची पद्धत बदलत आहे आणि भारतात लॉयल्टी फायदे रोजच्या आयुष्यात आणत आहे, ज्यात को-ब्रँडेड क्रेडिट कार्ड (मॅरियट बॉनव्हॉय HDFC बँक क्रेडिट कार्ड), ई-कॉमर्स (फ्लिपकार्ट), कल्चर आणि स्पोर्ट्स (ICC), आणि आता रोजच्या सोयीसाठी स्विगीचा समावेश आहे. स्विगीने आता आपला रिवॉर्ड्स प्रोग्राम प्रवासाच्या फायद्यांसह (इंडिगो) वाढवला आहे आणि आता आतिथ्यासाठी (मॅरियट बॉनव्हॉय) चा विस्तार केला आहे. हे उपक्रम एकत्रितपणे दर्शवतात की, आता फक्त कधी कधी होणाऱ्या प्रवासावर आधारित सहभागाऐवजी मोबाइलला प्राधान्य असलेल्या मार्केटमध्ये नेहमी चालणारे संपर्क जास्त महत्त्वाचे आहेत, आणि भारत मॅरियट बॉनव्हॉयच्या लॉयल्टी पद्धतीच्या चीन वगळता एशिया पॅसिफिक (APEC) भागात बदलांमध्ये महत्त्वाची भूमिका बजावत आहे.

मॅरियट इंटरनॅशनलच्या चीन वगळता एशिया पॅसिफिकचे चीफ कमर्शियल ऑफिसर जॉन टूमी म्हणाले की, “मॅरियट बॉनव्हॉय नेहमीच आपल्या सदस्यांसोबत अर्थपूर्ण संबंध तयार करण्यावर लक्ष केंद्रित करतं. स्विगीसोबत, आम्ही लॉयल्टी रोजच्या आयुष्यात आणत आहोत, म्हणजे रोजच्या खर्चातून भविष्यातील प्रवासासाठी पॉइंट्स मिळतील. ही धोरणात्मक भागीदारी आम्हाला सदस्यांपर्यंत पोहोचण्याची संधी देते, मॅरियट बॉनव्हॉय अधिक जवळचा, संबंधित आणि फक्त एका टॅप उपलब्ध होणारा आहे. हा भारतातील आमच्या वाढीचा महत्त्वाचा टप्पा आहे आणि केवळ निवसापुरतेच नाही तर, लॉयल्टीच्या भविष्याकडे टाकलेले एक स्पष्ट पाऊल आहे.”

स्विगीचे मुख्य विकास अधिकारी आणि सह-अध्यक्ष फनी किशन अड्डेपल्ली म्हणाले, “रोजच्या सोयीस्कर सेवांमध्ये स्विगी ग्राहकांसाठी नेहमी उपस्थित असते, मग ते फूड, क्विक कॉमर्स किंवा खास अनुभव असोत. मॅरियट बॉनव्हॉयसह, आम्ही हे रोजचे क्षण अधिक फायदेशीर बनवत आहोत, ज्यामुळे वापरकर्ते जागतिक प्रवासाचे फायदे कमवू शकतात आणि मॅरियटमध्ये राहू शकतात.”