मुंबई: आठवड्याच्या पहिल्याच दिवशी म्हणजे सोमवार ९ फेब्रुवारी रोजी सोन्या-चांदीच्या किमतींमध्ये वाढ झाली आहे. ऐन लग्नसराईमध्ये ही वाढ झाल्याने ग्राहकांच्या चिंतेत वाढ झाली आहे.

कमकुवत डॉलर आणि चांगली स्पॉट डिमांड यामुळे आज, सोमवार ९ फेब्रुवारी रोजी MCX वर सोन्याच्या किंमती वाढल्या आहेत. सकाळी बाजार उघडताच एका तोळ्यासाठी आता १ लाख ५८ हजार ५०० रुपये मोजावे लागणार आहे. तसेच एक किलो चांदीची किंमत तब्बल २ लाख ६१ हजार ८७० रुपये झाली आहे.

सोन्या चांदीसह प्लॅटिनम आणि पॅलेडियम यांच्या दरात देखील वाढ झाली आहे.

गेल्या काही दिवसांपासून सोन्याच्या किमती अस्थिर आहेत. त्याच पार्श्वभूमीवर सोमवारी सकाळी, इंडियन बुलियन अँड ज्वेलर्स असोसिएशन (IBJA) च्या आकडेवारीनुसार, २४ कॅरेट सोन्याची किंमत प्रति १० ग्रॅम १,५२,०७८ रुपये, IBJA च्या आकडेवारीनुसार, २३ कॅरेट सोन्याची किंमत प्रति १० ग्रॅम १,५१,४६९ रुपये, २२ कॅरेटची किंमत १,३९,३०३ रुपये आणि १८ कॅरेटची किंमत प्रति १० ग्रॅम १,१४,०५९ रुपये झाली आहे.