नवी दिल्ली : भारत सरकारने काही वर्षांपूर्वी हवाई दलाकरिता ३६ राफेल विमानं खरेदी करण्याचा करार फ्रान्स सरकारसोबत केला. आता केंद्र सरकारने नौदलासाठी २६ राफेल विमानं खरेदी करण्याचा करार फ्रान्स सरकारसोबत केला आहे. दिल्लीत भारताचे संरक्षण सचिव राजेश कुमार आणि फ्रान्सचे राजदूत यांनी करारावर स्वाक्षरी केली. याप्रसंगी दोन्ही देशांचे संरक्षणमंत्री व्हिडीओ कॉन्फरन्सद्वारे उपस्थित होते.
https://prahaar.in/2025/04/28/unrest-spreads-in-pakistan-army-demands-for-army-chiefs-resignation/
Today, India and France signed a mega Rs 63,000 crore deal to buy 26 Rafale Marine aircraft for the Indian Navy. The Indian side was represented by Defence Secretary Rajesh Kumar Singh, where Navy Vice Chief Vice Admiral K Swaminathan was present
(Video source: Indian Navy… pic.twitter.com/5W6SdwcuD8
— ANI (@ANI) April 28, 2025
https://prahaar.in/2025/04/28/pakistan-continues-ceasefire-violations-along-loc-for-fourth-consecutive-night/
राफेल विमानांच्या खरेदीसाठी भारत सरकारने फ्रान्स सरकारशी सलग दुसऱ्यांदा थेट करार केला आहे. यावेळी मरीन कॉम्बॅक्ट राफेल विमानांची खरेदी भारत करणार आहे. यासाठी दोन्ही देशांच्या सरकारांमध्ये ६३ हजार कोटी रुपयांचा करार झाला आहे. फ्रान्सकडून येणार असलेल्या २६ राफेल विमानांचा ताफा आयएनएस विक्रांत या विमानवाहक नौकेवर तैनात केला जाणार आहे.
फ्रान्सचे हवाई दल आणि नौदल राफेल विमानांचा वापर करते. भारतातही हवाई दल राफेल विमानांचा वापर करत आहे. आता भारतीय नौदलासाठीही राफेल विमानांचा ताफा येणार आहे. भारतीय नौकांच्या रचनेचा विचार करुन नौदलासाठीच्या राफेलमध्ये थोडे बदल केले जाणार आहेत. या बदलांमुळे नौकेवरील मर्यादीत जागेचा वापर करुन उड्डाण करणे किंवा उतरणे हे दोन्ही राफेल विमानांना शक्य होणार आहे. भारतीय नौकांमध्ये धावपट्टी एका बाजूस किंचित चढण असलेली अशी तिरपी असते. या रचनेस अनुकूल असे बदल राफेलमध्ये केले जाणार आहेत.
हवाई दलाची ३६ आणि नौदलाची २६ अशी एकूण ६२ राफेल लढाऊ विमानं लवकरच भारतीय सैन्याच्या ताफ्यात असतील.