स्पेन : वीज पुरवठा खंडीत झाल्यामुळे युरोपमधील काही देशांमध्ये अंधार पसरला आहे. स्पेन, फ्रान्स आणि पोर्तुगाल या तीन देशांना सर्वाधिक फटका बसला आहे. तिन्ही देशांमध्ये रेल्वे, मेट्रो, रस्ते, विमान वाहतूक पुरती कोलमडली आहे. विमानतळांवर तसेच मेट्रो आणि रेल्वेच्या स्थानकांवर गोंधळाची परिस्थिती आहे. वेगवेगळ्या रस्त्यांवर वारंवार वाहतूक कोंडी होत आहे. सिग्नल यंत्रणा ठप्प झाली आहे.

https://prahaar.in/2025/04/28/26-11-attacks-accused-tahawwur-rana-sent-to-12-day-nia-custody/

इबेरियन द्वीपकल्पात वीजपुरवठा खंडित झाला. यानंतर संपूर्ण पॉवर ग्रिड संकटात सापडली. स्पॅनिश ग्रिड ऑपरेटर रेड इलेक्ट्रिका यांनी प्रादेशिक ऊर्जा कंपन्यांच्या मदतीने वीज पुरवठा पूर्ववत करण्याचे प्रयत्न सुरू केले आहेत. युरोपियन ऊर्जा उत्पादक आणि ऑपरेटर्सच्या समन्वयाने, ऊर्जा पुरवठा टप्प्याटप्प्याने पूर्ववत करण्याचे प्रयत्न सुरू आहेत, असे पोर्तुगालच्या आरईएन कंपनीच्या प्रवक्त्याने सांगितले.

https://prahaar.in/2025/04/28/unrest-spreads-in-pakistan-army-demands-for-army-chiefs-resignation/

अनेक ठिकाणी लिफ्ट बंद पडल्या. रुग्णालयांमध्ये बिकट परिस्थिती निर्माण झाली. वाहतूक व्यवस्थेचा पुरता बोजवारा उडाला. परिस्थिती नियंत्रणात आणण्यासाठी बॅटऱ्या (टॉर्च) घेऊन पोलिसांना ठिकठिकाणी बंदोबस्ताला उभे राहावे लागले.