सुन्या सुन्या मैफिलीत माझ्या
तुझेच मी गीत गात आहे
अजुनही वाटते मला की
अजुनही चांद रात आहे
कळे न मी पाहते कुणाला
कळे न हा चेहरा कुणाचा
पुन्हा पुन्हा भास होत आहे
तुझे हसू आरशात आहे
सख्या तुला भेटतील माझे
तुझ्या घरी सूर ओळखीचे
उभा तुझ्या अंगणी स्वरांचा
अबोल हा पारिजात आहे
उगीच स्वप्नांत सावल्यांची
कशास केलीस आर्जवे तू
दिलेस का प्रेम तू कुणाला
तुझ्याच जे अंतरात आहे
गीत – सुरेश भट
स्वर – लता मंगेशकर
ऐरणीच्या देवा तुला…
ऐरणीच्या देवा तुला ठिणगी ठिणगी वाहू दे
आभाळागत माया तुझी आम्हावरी राहू दे !
लेऊ लेणं गरिबीचं
चणं खाऊ लोखंडाचं
जिणं व्हावं आबरूचं
धनी मातुर माझा देवा, वाघावाणी असू दे !
लक्ष्मीच्या हातातली
चवरी व्हावी वरखाली
इडा पीडा जाईल, आली-
किरपा तुझी, भात्यातल्या सुरासंग गाऊ दे !
सुख थोडं, दु:ख भारी
दुनिया ही भली-बुरी
घाव बसंल घावावरी-
सोसायला झुंजायाला अंगी बळ येऊ दे !