माद्रिद (वृत्तसंस्था) : स्पॅनिशच्या रिअल माद्रिद फुटबॉल क्लबने आपले वर्चस्व अबाधित ठेवताना चॅम्पियन्स लीगमध्ये चॅम्पियन होण्याचा बहुमान पटकावला. माद्रिदने आपल्या करिअरमध्ये १४व्यांदा या लीगचा किताब पटकावला. माद्रिदने फायनलमध्ये इंग्लिश फुटबॉल क्लब लिव्हरपूलचा पराभव केला. रिअल माद्रिदने १-० ने रोमहर्षक विजयाची नोंद केली. विनिसियसने (५९ वा मि.) या रंगतदार सामन्यात विजयी गोल केला. हा सामन्यातील एकमेव गोल ठरला. दोन्ही तुल्यबळ संघांतील हा सामना अधिकच अटीतटीचा झाला. त्यामुळेच सामन्यात एकाच गोलची नोंद होऊ शकली.
दरम्यान, हा सामना हायस्कोअरिंगचा मानला जात होता. रिअल माद्रिदने सलग तिसऱ्यांदा चॅम्पियन्स लीगच्या फायनलमध्ये इंग्लिश फुटबॉल क्लबला धूळ चारली आहे. युरोपातील सर्वात प्रतिष्ठेच्या चॅम्पियन्स लीग फुटबॉल स्पर्धेतील चॅम्पियन रिअल माद्रिद क्लबचे सोमवारी मायदेशात आगमन झाले. त्यावेळी तब्बल चार लाख चाहत्यांच्या उपस्थितीमध्ये किताबविजेत्या टीमचे जल्लोषात स्वागत करण्यात आले. १४ वेळच्या चॅम्पियन रिअल माद्रिद टीमची ओपन टॉप बसमधून विजयी मिरवणूक काढण्यात आली. रिअल माद्रिद क्लबने पॅरिसच्या स्टेड दी फ्रान्स स्टेडियमवर फायनल मॅच जिंकली.
लिव्हरपूलचा पाच वर्षांत दुसऱ्यांदा फायनलमध्ये पराभव झाला. आतापर्यंत दोन्ही वेळा माद्रिदविरुद्ध अपयशी ठरलेल्या इंग्लिश फुटबॉल क्लब लिव्हरपूलला पुन्हा एकदा सुमार खेळी चांगलीच महागात पडली. त्यामुळे टीमला पाच वर्षांत दुसऱ्यांदा फायनलमध्ये पराभवाची धूळ चाखावी लागली. यादरम्यान दोन्ही वेळा लिव्हरपूलला स्पॅनिशच्या माद्रिद क्लबनेच पराभूत केले.
जुर्गेन क्लोपचा हा क्लब गेल्या आठवड्यातील सत्रात चारही ट्रॉफी आपल्या नावे करण्याच्या शर्यतीत होता. मात्र, क्लबच्या या आशेवर माद्रिदने पाणी फेरले. रिअल माद्रिद क्लबच्या रोमहर्षक विजयासाठी ५९ व्या मिनिटाला विनिसियस ज्युनियरने सर्वोत्तम गोल केला. त्यामुळे माद्रिदला आपला विजय निश्चित करता आला. स्टेड डि फ्रान्स स्टेडियमवरील या फायनलमधील हा एकमेव गोल ठरला.
मुंबई: जिओ आपल्या ग्राहकांना आकर्षित करण्यासाठी प्रत्येक रेंजमध्ये डेटा प्लान सादर करत असते. काहींना महिन्याभराची…
मुंबई: मध आपल्या आरोग्यासाठी अतिशय फायदेशीर आहे. मधामध्ये व्हिटामिन, मिनरल्स आणि अँटीव्हायरल गुण आढळतात. उन्हाळ्यात…
मुंबई: राजस्थान रॉयल्स आणि कोलकाता नाईट रायडर्स यांच्यातील सामना रद्द होण्यासोबतच आयपीएलच्या लीग सामन्यांची सांगता…
मुंबई: लोकसभा निवडणूक २०२४च्या पाचव्या टप्प्यात आठ राज्यातील ४९ जागांवर आज मतदान होत आहे. सकाळी…
मुंबई : शैक्षणिक वर्ष २०२४-२०२५ साठी ‘शिक्षण हक्क अधिनियम’ अर्थात ‘आरटीई’अंतर्गत २५ टक्के आरक्षित जागांसाठीच्या…
संजय राऊत यांनाच मुख्यमंत्री व्हायचे होते, त्यासाठी उद्धव ठाकरेंना ब्लॅकमेल केल्याचा आमदार नितेश राणे यांचा…