Home मध्यंतर उमंग लग्नानंतर म्हणून जातात मधुचंद्राला

लग्नानंतर म्हणून जातात मधुचंद्राला

0

विवाहानंतर हनिमूनला जाणे हे प्रत्येकालाच आवडते. लग्नानंतरचे रीती-रिवाज पूर्ण झाल्यावर त्वरित याचे नियोजन केले जाते. पूर्वी देशातील एखाद्या ठिकाणाला पसंती दिली जात असे. परंतु, आजकाल अनेक जोडपी परदेशाची निवड करताना दिसत आहेत. काही जण याकडे एक एंजॉय म्हणून पाहतात. परंतु, तुम्हाला माहिती आहे का, तुमच्या रिलेशनमध्ये ही खूप महत्त्वाची भूमिका निभावते.

विवाह झाल्यानंतर दाम्पत्य बंधनात अडकतात, त्यांच्यावर घरातील मंडळी किंवा समाजाची काही बंधने येतात. तसेच घरात सगळ्यांच्या जबाबदा-या पार पाडाव्या लागतात. यामुळे एकमेकांना पुरेसा वेळ देता येत नाही. परंतु, तुम्ही जेव्हा हनिमूनला जाता तेव्हा तेथे कोणाचेही बंधन नसते, एकमेकांना समजून घ्यायला वेळ मिळतो. रिलॅक्स होण्यासोबत एकत्र वेळ घालविण्यास मिळतो. यामुळे तुमचे नाते अधिक घट्ट होण्यास मदत होते.

एकत्र वेळ घालविल्याने दोघांमध्ये आदराची भावना निर्माण होते. आयुष्यभर आपण एकमेकांना कायम साथ देऊ, असे दोघेही आश्वासन देतात. एकमेकांना समजून घेण्यासाठी ही वेळ खूप परफेक्ट आणि महत्त्वाची आहे.

एकमेकांबद्दल माहिती मिळाल्याने, एकत्र वेळ घालविल्याने समजून घेण्यास अडचणी येत नाहीत. ज्यावेळी आपण घरी कुटुंबासोबत तसेच मित्रांसोबत असताना त्यांच्यासोबत वेळ घालवता. त्यांच्याकडेच पार्टनरपेक्षा अधिक लक्ष असते. मात्र, हनिमूनच्या वेळी तुम्ही दोघंच असता, त्यामुळे एकमेकांच्या आवडीनिवडी, पसंती-नापसंती याबाबत जाणून घेता येतात.

विवाहानंतर आपण प्रथम एकत्र बाहेर जात आहोत, ही आठवण मानाच्या कोप-यात घर करणारी असते. लग्नातील धावपळीमुळे विविध कार्यक्रमांमुळे दोघेही थकलेले असतात. यामुळे थकवा दूर करण्यासाठी हनिमून हा चांगला पर्याय असतो. ओनोख्या व्यक्तीशी एकरूप होण्यासाठी हा काळ खूप महत्त्वाचा ठरतो. याला प्रेमविवाह करणारे अपवाद ठरू शकतात. परंतु, आजही काही विवाह घरच्यांच्या परवानगीने होतात. अशा दाम्पत्यांना भावनिकरीत्या एकमेकांच्या जवळ येण्यास हे दिवस मदत करतात.

NO COMMENTS

LEAVE A REPLY

Please enter your comment!
Please enter your name here

Exit mobile version