बीबीसीमध्ये होणा-या कर्मचारी कपातीच्या विरोधात कर्मचा-यांनी एक दिवसाचा संप पुकारला आहे.
नॅशनल युनियन ऑफ जर्नालिस्टच्या सदस्यांनी सोमवारी रात्री बारा वाजल्यापासून संप सुरु केला आहे. यामुळे बीबीसीची फाईव्ह लाईव्ह, ए एशियन नेटवर्क, रेडियोवरील न्यूज आणि वर्ल्ड सर्व्हिस हे कार्यक्रम रद्द करण्यात आले आहेत. दरम्यान कर्मचा-यांच्या या संपावर बीबीसीच्या प्रशासनाने नाराजी व्यक्त केली आहे. गुणवत्तेशी तडजोड करत बीबीसी कर्मचा-यांची कपात करत असल्याचे नॅशनल युनियनच्या मुख्य सचिव मिशेल स्टेनिस्ट्रीट यांनी सांगितले.
