पेड न्यूज प्रकरणी महाराष्ट्राचे माजी मुख्यमंत्री अशोक चव्हाण यांना सोमवारी निवडणूक आयोगाने नोटीस बजावली.
याआधी पाच मे रोजी पेड न्यूज प्रकरणात आयोगाच्या चौकशीविरोधात चव्हाण यांनी दाखल केलेली याचिका सर्वोच्च न्यायालयाने फेटाळून लावली होती. तसेच चव्हाण यांच्याविरोधातील तक्रारीवर आयोगाने ४५ दिवसांच्या आत चौकशी करावी असे आदेशही दिले होते.
२००९ ची विधानसभा निवडणूक लढवणा-या अशोक चव्हाणांसाठी वर्तमानपत्रातून जाहीराती देण्यात आल्या होत्या. या निवडणूक खर्चावर त्यांच्या भोकर मतदारसंघातील प्रतिस्पर्धी उमेदवार डॉ. माधव किन्हाळकर यांनी आक्षेप घेत निवडणूक आयोगाकडे तक्रार दाखल केली होती.
