स्टार प्लस या वाहिनीवरील ‘दिया और बाती हम फेम संध्या बिंदनी म्हणजेच अभिनेत्री दीपिका सिंगने गोंडस बाळाला जन्म दिला आहे.
मुंबई- स्टार प्लस या वाहिनीवरील ‘दिया और बाती हम’ फेम संध्या बिंदनी म्हणजेच अभिनेत्री दीपिका सिंगने गोंडस बाळाला जन्म दिला आहे. दिपिकाला गोंडस मुलगा झाला आहे.
दीपिकाचा पती रोहितराज गोयल यांनी ही बातमी दिली आहे. दिपिका आणि बाळ दोघांची प्रकृती उत्तम आहे. आमचा आनंद आम्ही शब्दात व्यक्त करू शकत नाही. दिपिकाला आरामाची गरज असल्याचे डॉक्टरांनी सांगितले आहे, अशी माहिती राज यांनी दिली.
काही दिवसांपूर्वीच दीपिकाने गरोदरपणाबद्दल तिच्या भावना व्यक्त केल्या होत्या. ती म्हणालेली की, मी सुट्टीसाठी बाहेरगावी गेले होते तेव्हा मी आजारी पडले. तेथून परतल्यानंतर लगेच मी डॉक्टरांची भेट घेतली. तेव्हा डॉक्टरांनी आम्हाला या गोड बातमीबद्दल सांगितले.
या गोड बातमीनंतर नक्कीच दीपिकाच्या चाहत्यांना त्यांच्या लाडक्या अभिनेत्रीच्या बाळाचे फोटो पाहण्याची उत्सुकता लागली असेल.
