देशद्रोहाच्या आरोपाखाली अटक करण्यात आलेल्या कन्हैया कुमारला दिल्ली उच्च न्यायालयाने बुधवारी जामीन मंजूर केला.
कन्हैया कुमारला जामीन म्हणजे हा दिल्ली पोलिसांसाठी मोठा झटका आहे. मंगळवारी झालेल्या सुनावणीत कन्हैया विरोधात देशविरोधी घोषणा दिल्याचा कोणताही ठोस पुरावा नसल्याची कबुली दिल्ली पोलिसांनी दिली होती. त्यावेळी न्यायालयाने पोलिसांना देशद्रोहाच्या आरोपाचा अर्थ कळतो का?, असा प्रश्न केला होता.
दोन आठवडयापूर्वी दिल्ली पोलिसांनी कन्हैयाला देशविरोधी घोषणा दिल्याच्या आरोपाखाली अटक केली होती. कन्हैया जेएनयूमधील विद्यार्थी संघटनेचा नेता आहे. पतियाळा हाऊस कोर्टात झालेल्या सुनावणीत कन्हैयाला मारहाणही झाली होती.
