तिसरी आणि अंतिम लढत ४ विकेटनी जिंकत इंग्लंडने बांगलादेशविरुद्धची वनडे मालिका २-१ अशी जिंकली.
जेम्स व्हिन्स (३२) आणि सॅम बिलिंग्जच्या (६२) झटपट ६३ धावांच्या सलामीनंतर बेन डकेट (६३) आणि बेन स्टोक्सच्या (नाबाद ४७) दमदार फलंदाजीमुळे पाहुण्यांना १३ चेंडू राखून जिंकता आले.
तत्पूर्वी, मुशफिकर रहिमसह (६७), सब्बीर रहमान (४९), इम्रुल कायेस (४६) आणि तमिम इक्बालच्या (४५) फलंदाजीच्या जोरावर बांगलादेशला ६ बाद २७७ धावा करता आल्या. इंग्लंडतर्फे अदिल रशिदने ४३ धावांत ४ विकेट घेत छाप पाडली.
