भारताचा गोळाफेकपटू इंदरजीत सिंग याने बुधवारी वुहान येथे सुरु असलेल्या आशियाई अॅथलेटिक्स चॅम्पियनशिप स्पर्धेत सुवर्णकामगिरी केली.
गोळाफेकमध्ये इंदरजीतने २०.४१ मीटरचे अंतर नोंदवत सुवर्णपदक पटकावले. तर चीन तैपेईच्या चँग मिंग-हुआंगने १९.५६ मीटर आणि चीनच्या तियान झिंझोंगने १९.३५ मीटरचे अंतर नोंदवत अनुक्रमे रौप्य आणि कांस्यपदकाची कमाई केली
यापूर्वी गेल्या महिन्यात मंगळूरु येथे पार पडलेल्या फेडरेशन चषक स्पर्धेत इंदरजीतने सुवर्णपदक पटकावत २०१६ मधील रिओ ऑलिपिंकचे तिकीट निश्चित केले होते. तर २०१४ मध्ये दक्षिण कोरियातील इंचेऑन येथे झालेल्या आशियाई स्पर्धेत इंदरजीतने कांस्यपदक पटकावले होते.