किल्ले रायगडावर संपन्न होणा-या शिवराज्याभिषेक सोहळय़ाला युवा आमदार नितेश राणे यांनी रविवारी सायंकाळी भेट दिली.
त्यावेळी त्यांच्यासोबत स्वाभिमान संघटनेचे असंख्य कार्यकर्ते उपस्थित होते. रायगडावरील विविध पुरातन वास्तूंचीही त्यांनी पाहणी केली. होळीच्या माळावरील शिवरायांच्या पुतळय़ाला नितेश यांनी अभिवादन केले.
किल्ले रायगडावर राजदरबार येथील छत्रपती शिवाजी महाराजांच्या मेघडंबरीतील पुतळय़ालाही राणे यांनी अभिवादन केले. या दरम्यान मराठा आरक्षण समितीच्या विविध कार्यकर्ते व शिवप्रेमींशी विविध विषयांवर त्यांनी चर्चा केली.
किल्ले रायगडच्या भेटीनंतर राणे यांनी महाडच्या चवदार तळ्यालाही भेट दिली.
