माथेरान : थंड हवेसाठी प्रसिद्ध पर्यटनस्थळ असलेले माथेरान मागील काही दिवसांपासून शीतलहरींच्या प्रकोपाने गोठले असून काल येथे १२.४ इतक्या नीचांकी तापमानाची नोंद झाली आहे.
थंड हवेसाठी माथेरानमध्ये आलेल्या पर्यटकांना येथे पडलेल्या थंडीचा चांगलाच अनुभव आला असून येथील लेक परिसरात दवबिंदू गोठल्याचा अनुभव येथील स्थानिक घेत आहेत. देशातील पूर्वेकडे सुरू असलेल्या हिमवृष्टीचा तडाखा संपूर्ण देशाला जाणवत असताना त्याचा फटका माथेरानला देखील बसला असून येथे ठिकठिकाणी शेकोट्या पेटल्या आहेत.
माथेरानमध्ये अजूनही काही दिवस थंडी अशीच लागून राहील असे येथील स्थानिकांचे मत असून त्याचा फायदा येथील पर्यटनाला नक्कीच होणार आहे.