बीड : मराठा आरक्षण (Maratha Reservation) मिळावे म्हणून सरकारला दिलेली मुदत संपल्यानंतर मनोज जरांगे पाटील (Manoj Jarange Patil) यांनी पुन्हा एकदा बेमुदत उपोषणाला सुरुवात केली आहे. आज त्यांच्या उपोषणाचा चौथा दिवस आहे. सरकारने आंदोलन गांभीर्याने घ्यावे अन्यथा गावागावात उपोषण करण्यात येईल, असा इशाराही मराठा समाजाच्या वतीने देण्यात आला आहे. मराठा समाज पेटून उठला असून गावागावात सर्वपक्षीय राजकीय नेत्यांना प्रवेशबंदी करण्यात आली आहे. या संतापातून आंदोलक कधी आत्महत्या तर कधी तोडफोड अशी बेकायदेशीर पावले उचलत आहेत.
दोनच दिवसांपूर्वी मराठा आरक्षणाविरुद्ध न्यायालयात याचिका दाखल करणारे वकील गुणरत्न सदावर्ते (Gunaratna Sadavarte) यांच्या गाडीची त्यांच्या राहत्या घरासमोर तोडफोड करण्यात आली. यानंतर आता ठाकरे गटाचे (Thackeray Group) माजी आमदार बदामराव पंडित (Badamrao Pandit) यांच्यादेखील गाडीची तोडफोड केल्याची धक्कादायक घटना घडली आहे. त्यामुळे मराठ्यांनी केवळ सत्ताधारीच नव्हे तर मागील काळात आरक्षण न देऊ शकलेल्या विरोधकांनाही टार्गेट केले आहे.
बीड जिल्ह्यात असताना हा गाडी फोडण्याचा प्रकार घडला. ठाकरे गटाचे माजी आमदार बदामराव पंडित हे मोही माता यात्रेसाठी गेले होते. दरम्यान, मादळमोही येथे संतप्त मराठा तरुणांनी त्यांची गाडी फोडली. गाडी फोडल्यानंतर काही काळ तणावाचे वातावरण पाहायला मिळाले. या घटनेमुळे मराठा समाज आणखी काय काय पावले उचलणार हे पाहणे महत्त्वाचे ठरणार आहे.
मुंबई: Iphone 15 वर एक जबरदस्त डील मिळत आहे. याच्या मदतीने तुम्ही हा हँडसेट चांगल्या…
मुंबई: देशभरात सोमवारपासून म्हणजेच ३ जूनपासून अमूलच्या दूध दरात २ रूपये प्रति लीटर वाढ करण्यात…
मुंबई: गेल्या आठवड्यात २ टक्क्यांनी झालेल्या मोठ्या घसरणीनंतर मार्केटचा मूड सुधारणार आहे. लोकसभा निवडणुकीसाठीचे मतदान…
मुंबई: टी-२० वर्ल्डकप २०२४च्या दुसऱ्या सामन्यात वेस्ट इंडिजने पापुआ न्यू गिनीला ५ विकेटनी हरवले. शेवटच्या…
मुंबई: बॉलिवूड अभिनेता सलमान खानप्रती चाहत्यांच्या मनात अपार प्रेम आहे. सलमानच्या फिमेल फॉलोईंगची संख्याही प्रचंड…
मुंबई: वयाची चाळिशी पार केल्यानंतर आपल्या शरीराची रोगप्रतिकारक क्षमता कमी होऊ लागते. या वयानंतर म्हातारपणाला…