नवी दिल्ली: इंग्लंड अँड वेल्स क्रिकेट बोर्डाने(england and wells cricket board) भारताविरुद्ध पाच सामन्यांच्या कसोटी मालिकेसाठी(test series) आपल्या संघाची घोषणा केली आहे. इंग्लंडने २५ जानेवारीपासून सुरू होत असलेल्या कसोटी मालिकेसाठी १६ सदस्यीय संघाची घोषणा केली आहे. या संघात स्टार ऑलराऊंडर सॅम कर्रन आणि विकेटकीपर फलंदाज जोस बटलर यांना स्थान देण्यात आलेले नाही. दरम्यान, तीन नव्या चेहऱ्यांना संघात स्थान देण्यात आले आहे.
इंग्लंडने भारताविरुद्धच्या कसोटी मालिकेसाठी तीन नवे चेहरे समाविष्ट केले आहेत. यात शोएब बशीर, टॉम हार्टले आणि गस एटकिंसन यांचा समावेश आहे. तर ओली पोप या संघाचा उप कर्णधार आहे. इंग्लंडने टॉम हार्टले, जॅक लीच आणि रेहान अहमदच्या रूपात तीन स्पिनर्सना संघात जागा दिली आहे.
भारतात पाच सामन्यांच्या कसोटी मालिकेसाठी इंग्लंड संघात ज्यो रूट, जॉनी बेअरस्ट्रॉ, हॅरी ब्रुक, जॅक क्रॉली, बेन डकेट, बेन स्टोक्स, शोएब बशीर, बेन फॉक्स आणि ओली पोप यांच्या रूपात नऊ फलंदाज आहेत.
जानेवारीत बेन स्टोक्सचा संघ पाच सामन्यांच्या कसोटी मालिकेसाठी भारत दौऱ्यावर येणार आहे. या मालिकेतील पहिला कसोटी सामना २५ जानेवारीपासून हैदराबादमध्ये खेळवला जाणार आहे. यानंतर २ फेब्रुवारीपासून दुसरी कसोटी विशाखापट्टणम येथे, १५ फेब्रुवारीपासून तिसरी कसोटी राजकोटमध्ये, २३ फेब्रुवारीपासून चौथी कसोटी रांचीमध्ये आणि सात मार्चपासून शेवटची कसोटी धर्मशालामध्ये खेळवली जाणार आहे.
भारताविरुद्धच्या पाच सामन्यांच्या कसोटी मालिकेसाठी इंग्लंडचा संघ – बेन स्टोक्स(कर्णधार), रेहान अहदमद, जेम्स अँडरसन, गस एटकिंसन, जॉनी बेअरस्ट्रॉ(विकेटकीपर), शोएब बशीर, हॅरी ब्रुक, जॅक क्रॉली, बेन डकेट, बेन फॉक्स, टॉम हार्टले, जॅक लीच, ओली पोप, ओली रॉबिन्सन, ज्यो रूट आणि मार्क वूड.
पहिली कसोटी – भारत वि इंग्लंड, २५-२९ जानेवारी, हैदराबाद
दुसरी कसोटी – भारत वि इंग्लंड, २-६ फेब्रुवारी, विशाखापट्टणम
तिसरी कसोटी – भारत वि इंग्लंड, १५-१९ फेब्रुवारी, राजकोट
चौथी कसोटी – भारत वि इंग्लंड, २३-२७ फेब्रुवारी, रांची
पाचवी कसोटी- भारत वि इंग्लंड, ७-११ मार्च, धर्मशाला
संजय राऊतांच्या टीकेवर मनसेचे संदीप देशपांडे यांचे प्रत्युत्तर मुंबई : मनसेने महायुतीला (Mahayuti) जाहीर पाठिंबा…
संजय राऊतांच्या आरोपांवर शिवसेना व भाजपा नेत्यांचा पलटवार नेमकं प्रकरण काय? मुंबई : विद्यमान मुख्यमंत्री…
शरद पवार मुक्कामी असलेल्या हॉटेलमध्ये सुनील तटकरे येऊन गेल्याचा केला होता अनिल देशमुखांनी खळबळजनक दावा…
छत्रपती संभाजीनगर : मराठा आरक्षणाचे (Maratha Reservation) नेते मनोज जरांगे पाटील (Manoj Jarange Patil) हे…
मध्यरात्री नेमकं काय घडलं? पुणे : पुण्यात गुन्हेगारीची (Pune Crime) समस्या अत्यंत गंभीर बनत चालली…
बेदम मारहाण...कपड्यांशिवाय घराबाहेर उभं केलं आणि... नवी दिल्ली : आई आणि मुलाच्या पवित्र नात्याला कलंक…