दुबई (वृत्तसंस्था): आंतरराष्ट्रीय क्रिकेट परिषदेने (आयसीसी) महिला वनडे वर्ल्डकप २०२२ स्पर्धेचे वेळापत्रक बुधवारी जाहीर केले आहे. मिताली राजच्या नेतृत्वाखालील भारताची सलामी परंपरागत प्रतिस्पर्धी पाकिस्तानविरुद्ध ६ मार्चला होईल. यजमान न्यूझीलंड आणि वेस्ट इंडिज यांच्यातील लढतीने (४ मार्च) विश्वचषक स्पर्धेला प्रारंभ होईल.
न्यूझीलंडमध्ये ३१ दिवस रंगणाऱ्या वनडे वर्ल्डकप स्पर्धेत एकूण ३१ सामने खेळवले जाणार असून त्यात आठ संघ सहभागी होणार आहेत. पहिला उपांत्य सामना वेलिंग्टन येथे ३० मार्च रोजी तसेच दुसरा उपांत्य सामना ३१ मार्चला होईल. विजेतेपदाचा सामना ३ एप्रिलला रंगेल. अंतिम लढत ख्राइस्टचर्चवर होईल. वर्ल्डकप स्पर्धा राऊंड रॉबिन स्वरूपात खेळली जाईल, जिथे प्रत्येक संघाला इतर प्रत्येक संघाशी स्पर्धा करावी लागेल आणि गुणतालिकेतील अव्वल चार संघ उपांत्य फेरीत प्रवेश करतील.पहिल्या क्रमांकाच्या संघाला तिसऱ्या क्रमांकाच्या संघाशी आणि दुसऱ्या क्रमांकाच्या संघाला चौथ्या क्रमांकाच्या संघाचा सामना करावा लागेल.
ऑस्ट्रेलिया, इंग्लंड, दक्षिण आफ्रिका आणि भारत हे संघ आयसीसी महिला चॅम्पियनशिप २०१७-२० मधील त्यांच्या स्थानांनुसार वर्ल्डकप स्पर्धेसाठी थेट पात्र ठरले आहेत. यजमान असल्यामुळे न्यूझीलंड संघ आपोआप पात्र ठरला.
६ मार्च वि. पाकिस्तान टौरंगा
१० मार्च वि. न्यूझीलंड हॅमिल्टन
१२ मार्च वि. वेस्ट इंडिज हॅमिल्टन
१६ मार्च वि. इंग्लंड टौरंगा
१९ मार्च वि. ऑस्ट्रेलिया ऑकलंड
२२ मार्च वि. बांगलादेश हॅमिल्टन
२७ मार्च वि. दक्षिण आफ्रिका ख्राइस्टचर्च
मुंबई : लोकसभा निवडणुकीच्या पाचव्या टप्प्यात मुंबईतील अनेक मतदान केंद्रावर मतदार याद्यांमध्ये मतदारांची नावे नसल्याचे…
मुंबई: जमिनीवर ज्या पद्धतीने लोक बसतात ते एक प्रकारचे आसन असते. यामुळे शरीरास अनेक फायदे…
पुणे : पुण्यातील हिट अँड रनच्या घटनेची गंभीर दखल घेत, राज्याचे उपमुख्यमंत्री देवेंद्र फडणवीस हे…
मुंबई: बिझनेसमन मुकेश अंबानी यांचा मुलगा अनंत अंबानी आणि राधिका मर्चंट यांचे प्री वेडिंग फंक्शन…
नवी दिल्ली : उत्तर प्रदेशचे मुख्यमंत्री योगी आदित्यनाथ यांनी लोकसभा निवडणूक २०२४ च्या पार्श्वभूमीवर आम…
खर्चानंतरही भासणार नाही पैशांची अडचण! मुंबई : आजच्या काळात प्रत्येकाला आर्थिकदृष्ट्या आपल्या भविष्याची चिंता असते.…