नवी दिल्ली: पंतप्रधान नरेंद्र मोदी म्हणाले की ईडी आणि सीबीआय केवळ आपले काम म्हणजे भ्रष्टाचाराचा सपात करत आहे आणि कोणीही त्यांना रोखू नये. विरोधी पक्ष करत असलेल्या आरोपावर मोदींनी हे उत्तर दिले आहे.
पंतप्रधान मोदी म्हणाले, भ्रष्टाचाराचा तपास करणे ईडी आणि सीबीआयचे काम आहे. उदाहरणार्थ जर तिकीट तपासनीस रेल्वेमध्ये तिकीट तपासत असेल तर तुम्ही त्याला रोखणार का? ईडी-सीबीआयला त्यांचे काम करू द्या. एक पंतप्रधान म्हणून मलाही ईडीच्या कामात दखल देण्याचा कोणताही अधिकार नाही.
मोदी पुढे म्हणाले, जर ईडी आणि सीबीआय आपले काम करत नसेल तर सवाल उचलले गेले पाहिजेत. मात्र येथे विरोधी पक्ष विचारत आहेत की एजन्सी आपली कामे का करत आहे. तसेच ईडीकडून दाखल झालेले केवळ ३ टक्के प्रकरणे ही राजकीय व्यक्तींविरोधातील आहेत. बाकी ९७ टक्के प्रकरणे ही बिगर राजकीय व्यक्तींच्या विरोधातील आहे. याबाबत कोणी काहीच का बोलत नाही असे म्हणत त्यांनी या मुद्द्याकडे लक्ष वेधले.
पंतप्रधान नरेंद्र मोदी म्हणाले, २०१४ आधी ईडीने १८०० केसेस दाखल केल्या होत्या. या तपास विभागाने २०१४ पासून ते आतापर्यंत ७००० ठिकाणी छापे टाकले. याआधी केवळ ८४ सर्च करण्यात आले होते. २०१४ नंतर १.२५ लाख कोटी रूपयांची संपत्ती जप्त करण्यात आली.
पंप्रधान मोदींनी विरोधी पक्षाच्या नेत्यांचा आवाज दाबण्यासाठी केंद्रीय एजन्सीचा वापर केला जात असल्याचा केंद्रावरी आरोप त्यांनी यावेळी फेटाळून लावला. ते म्हणाले, इमानदार व्यक्तीला कशाचीच भीती नसते. मात्र भ्रष्टाचारामध्ये सामील लोकांना पापाची भीती असते. भ्रष्टाचाराने देशाची वाट लावली. त्यामुळे तो समूळ नष्ट करायला हवा असे मोदी म्हणाले.
ऐन निवडणुकीच्या काळात राऊतांना 'ते' वक्तव्य चांगलंच भोवणार मुंबई : ठाकरे गटाचे खासदार संजय राऊत…
बुलढाणा बस दुर्घटनेची पुनरावृत्ती होता होता वाचली! बुलढाणा : गतवर्षी जून महिन्यात बुलढाणा येथे एक…
कालच्या राड्याप्रकरणी मिहिर कोटेचा यांचा मुंबईकरांना सवाल मविआच्या २५-३० कार्यकर्त्यांवर गुन्हा दाखल; ५ जण पोलिसांच्या…
हसन मुश्रीफांनी घटनेची दखल घेत तातडीने आर्थिक मदत करण्याच्या दिल्या सूचना कोल्हापूर : कोल्हापुरातून (Kolhapur)…
कारण सांगताच घरचेही अवाक नवी दिल्ली : 'तारक मेहता का अलटा चष्मा' या लोकप्रिय मालिकेतून…
मुंबई: लखनऊ सुपर जायंट्सने मुंबई इंडियन्सला आयपीएल २०२४मधील(ipl 2024) ६७व्या सामन्यात हरवले. लखनऊने पहिल्यांदा फलंदाजी…