पालघर (प्रतिनिधी) : पालघर सातपाटी रोडवरील चुनाभट्टी येथील सोहेल ईम्पेक्स कंपनी समोर मोठा अपघात झाला आहे. शाळेच्या मुलांना घेऊन जाणारी ईको व्हॅनच्या चालकाचा ताबा सुटल्याने हा अपघात घडल्याचे प्रथम माहितीत कळाले आहे. या अपघातामध्ये सातपाटी कडून पालघरच्या दिशेने अॅक्टिवावरून जाणारा दुचाकीस्वार गंभीर जखमी होऊन मयत झाला आहे. मयत इसम पालघर जवळील सातपाटी गावाचा राहणारा असून नाव चेतन मेहेर आहे. सकाळी कामावर जाण्याकरिता तो निघाला असता या भीषण अपघाताचा बळी ठरला.
ईको व्हॅन ही दुचाकी स्वाराला ठोकत पुढे एमईसीबीच्या लोखंडी खांबाला धडक देऊन पलटी झाली. या व्हॅनमध्ये नऊ शाळेकरी मुले होती. सर्व मुलांना उपचाराकरिता पालघर येथील ढवळे रुग्णालयात नेण्यात आले. त्यांना किरकोळ जखमा झाल्या असून सर्वांची प्रकृती व्यवस्थित आहे. मात्र व्हॅन चालकाचा रस्त्यावर फिरत असलेल्या गुरांमुळे ताबा सुटला असल्याचे काही प्रथमदर्शींकडून बोलले जात आहे.
पावसाच्या दिवसात गुरे रस्त्यावर बसलेली किंवा रस्त्यावर फिरत असतात या गुरांमुळे नेहमीच अपघात होत असतात. या आधीही या रस्त्यांवर फिरणाऱ्या गुरांमुळे अपघात होऊन एका दुचाकी स्वाराला जीव गमवावा लागला होता. या रस्त्यावर फिरणाऱ्या गुरांकरिता उपाय म्हणून ग्रामपंचायत, नगर परिषदेत कुठलीही यंत्रणाच नसल्याने निर्दोष वाहनचालकांना आपला जीव गमवावा लागत आहे. सातपाटी पोलिसांनी या घटनेचा पंचनामा केला असून पुढील तपास सुरू आहे.
मुंबई: अक्षय्य तृतीयेचा(akshay tritiya) सण प्रत्येक वर्षी वैशाख महिन्याच्या शुक्ल पक्षाच्या तृतीयेला तिथी साजरी केली…
मुंबई:आयसीसी पुरुष टी-२० वर्ल्डकप २०२४ची(icc mens cricket world cup 2024) क्रिकेट चाहते अतिशय आतुरतेने वाट…
नवी दिल्ली: लोकसभा निवडणुकीदरम्यान दिल्लीमध्ये काँग्रेसला मोठा झटका बसला आहे. दिल्ली प्रदेश काँग्रेसचे माजी अध्यक्ष…
Godrej Family Split: गोदरेज कुटुंबाने 30 एप्रिल रोजी 127 वर्ष जुन्या कंपनीला दोन संस्थांमध्ये विभाजित…
मुंबई: प्रत्येकजण आपल्या कमाईतून काही ना काही रक्कम वाचवत असतो. तसेच ही रक्कम अशा जागी…
CBSC: काही दिवसांपासुन दहावी आणि बारावीच्या निकालाबाबत बनावट परिपत्रके समाजमाध्यमामध्ये व्हायरल होत आहेत. हा प्रकार…