खेळ खेळूया शब्दांचा
शब्दांवर साऱ्यांची मालकी
तीन अक्षरी शब्दांची ही
‘की’ ची करामत बोलकी
दाराची बहीण कोण
तिला म्हणतात खिडकी
मातीची भांडी कसली?
ही तर आहेत मडकी
स्वतःभोवती फिरण्याला
घेतली म्हणतात गिरकी
कापसाच्या बीला येथे
सारेच म्हणतात सरकी
लावणीच्या ठसक्याला
घुंगरांच्या सोबत ढोलकी
झोप डोळ्यांवर आली की
जो तो घेतो डुलकी
ढोंगी मनुष्य दिसताच
आला म्हणतात नाटकी
एखाद्याची परिस्थितीसुद्धा
असते बरं फाटकी
नाकातला छोटा अलंकार
त्याला म्हणतात चमकी
छोट्याशा तालवाद्याला
म्हणतात खरं टिमकी
खेळात शब्दांची अशी
जेव्हा बसते अंगतपंगत
शब्दांचा वाढतो साठा
खेळाला चढते रंगत
१) आनंद झाला की
छानच खुलतो
लाज वाटली की
शरमेने पडतो
मुख, तोंड, चर्या,
सुरतही म्हणती याला
सांगा बरं एवढी नावं
देतात कोणाला?
२) माफी मागताना
जमिनीला घासतात
खोड मोडण्यासाठी
यालाच ठेचतात
नापसंती दाखवताना
लगेच मुरडतात
शहाणपणा दाखवून
कांदे कशाने सोलतात?
३) एकसारखे बोलून
ही पट्टा चालवते
सैल सोडले की
वाटेल तसे बोलते
हाड नसल्यामुळे
बोलते अद्वातद्वा
कोण बरं ही जी,
रसना, जबान, जिव्हा?
१)जीभ
२) नाक
३) चेहरा
'असा' करा अर्ज; जाणून घ्या सविस्तर माहिती मुंबई : भारतीय हवाई दलात पायलट होऊ इच्छिणाऱ्या…
कार्यक्षमतेवर प्रश्न उपस्थित झाल्याने पुणे पोलीस आयुक्तांचं पत्रकार परिषद घेत स्पष्टीकरण अपघातातील पोर्शे कार विनानोंदणी…
मुंबई : दहावीच्या विद्यार्थ्यांसाठी एक महत्त्वाची माहिती समोर आली आहे. आजपर्यंत अतिरिक्त गुण मिळत असलेले…
मुंबई विभागाने मात्र गाठला तळ मुंबई : गेल्या अनेक दिवसांपासून बारावीचे विद्यार्थी ज्याची वाट पाहत…
जाणून घ्या सध्याचे दर काय? नवी दिल्ली : गेल्या महिन्यात सोन्याने विक्रमी पातळी गाठली होती.…
रस्त्यावर आढळली फ्लेमिंगोची पिसे आणि सांगाडे; मृत्यूचं कारण मात्र अस्पष्ट मुंबई : मानवाने केलेल्या पर्यारणाच्या…