पुणे: केंद्र सरकारने १५ ते १८ वर्ष वयोगटातील मुलांचे लसीकरण करण्याचे जाहीर केले आहे. त्यामुळे या वयोगटातील लसीकरण विक्रमी वेळेत आणि सुनियोजितपणे पूर्ण करण्यासाठी शाळा, महाविद्यालयात लसीकरण मोहीम राबवणे आवश्यक आहे. पालिकेने त्यासाठी पुढाकार घेऊन शाळा, महाविद्यालयात लसीकरण मोहीम सुरू करावी, अशी मागणी पिंपरी-चिंचवड भाजपाचे जिल्हा सहसंयोजक (विद्यार्थी विभाग) अनिकेत शेलार यांनी केली आहे.
याबाबत महापालिका आयुक्त राजेश पाटील यांना निवेदन देण्यात आले. यावेळी भाजपा युवा मोर्चा शहराध्यक्ष संकेत चोंधे, स्वीकृत नगरसदस्य दिनेश यादव, युवा मोर्चा उपाध्यक्ष शिवराज लांडगे, प्रकाश चौधरी, सुहास आढाव, रुबेन सनी, विक्रांत गंगावणे, तन्मय शेलार, तेजस मुळे, वरद जोशी आदी उपस्थित होते.
अनिकेत शेलार यांनी निवेदनात म्हटले आहे की, केंद्र सरकारने ३ जानेवारी पासून १५ ते १८ वर्षे वयोगटातील मुलांचे लसीकरण सुरू करण्याचे जाहीर केले आहे. विद्यर्थ्यांचे लसीकरण हे विद्यालयात व महाविद्यालयात करण्यात यावे. यामुळे कोणत्या विद्यार्थ्याने लस घेतली आहे व कोणत्या विद्यार्थ्याने लस घेतली नाही, याबाबतची विद्यालयाकडे नोंद राहिल. तसेच लसीच्या कारणासाठी विद्यार्थ्यांचे सुट्टीचे प्रमाण कमी राहील.
महापालिकेने ‘व्हॅक्सिनेशन ऑन व्हेहिकल’ हा उपक्रम सुरू केला आहे. ही सुविधा विद्यालयात राबवण्यात आली तर लसीकरणाला गती मिळेल. जे पालक मुलांना लस देण्यास टाळाटाळ करतील, यानिमित्ताने त्या विद्यार्थ्याचे देखील लसीकरण होऊन जाईल. विद्यार्थ्यांच्या आरोग्याचा विचार करून विद्यालयात व महाविद्यालयात लसीकरण सुरू करण्यात यावे, असेही शेलार यांनी दिलेल्या निवेदनात म्हटले आहे.
आमदार नितेश राणे यांचा राऊतांना खोचक सल्ला उद्धव ठाकरे आम्हाला शिव्याशाप देऊन आमचंच मताधिक्य वाढवतात…
मुंबई: अक्षय्य तृतीया यंदाच्या वर्षी १० मेला साजरी केली जात आहे. यावेळेस अक्षय्य तृतीयेला गुरू-चंद्राच्या…
मुख्यमंत्री एकनाथ शिंदे यांचा विश्वास प्रचंड शक्तिप्रदर्शनासह डॉ. श्रीकांत शिंदे यांचा उमेदवारी अर्ज दाखल कल्याण…
मुंबई: व्हिवोने आज अखेर आपला फोन भारतात लाँच केला आहे. विवोने या सीरिजमधील दोन फोन…
भाजपा आणि एनडीए पूर्णपणे ट्रॅकवर केंद्रीय गृहमंत्री अमित शाह यांचा दावा नवी दिल्ली : लोकसभा…
ठाणे : ठाणे लोकसभा मतदारसंघासाठी आज विविध पक्षांच्या चार उमेदवारांनी तर दोन अपक्ष उमेदवारांनी आपले…