मुंबई: राज्यभरात आज दहीहंडीचा उत्सव पाहायला मिळत आहे. गोविंदा रे गोपाळा असे म्हणत गोविंदा पथके दहीहंडी फोडण्यासाठी सज्ज झाली आहेत. मुंबई तसेच ठाणे परिसरात अनेक ठिकाणी दहीहंडीचे भव्यदिव्य आयोजन करण्यात आले आहे.
मुंबईत दादर, वरळी जांबोरी मैदान, घाटकोपर अशा अनेक ठिकाणी भव्य अशा दहीहंडीचे आयोजन करण्यात आले आहे. दादरमधील दहीहंडी महाराष्ट्र प्रदूषण नियंत्रक मंडळाकडून साजरी केली जात आहे. यात अनेक विषयावर पथनाट्येसादर केली जातील. तसेच महिला, दिव्यांग ही दहीहंडी फोडणार आहेत.
घाटकोपर येथे दरवर्षीप्रमाणे भाजप आमदार राम कदम दही हंडी उत्सव साजरा करत आहेत. या दहीहंडीला मुख्यमंत्री एकनाथ शिंदे, उपमुख्यमंत्री देवेंद्र फडणवीस, अजित पवार, उद्योगमंत्री उदय सामंत उफस्थित असतील. तसेच या दहीहंडीला रोहित शेट्टी, विकी कौशल-कतरिना कैफ, शक्ती कपूर, जितेंद्र ही बॉलिवूडची खास मंडळीही असणार आहेत.
दुसरीकडे मुख्यमंत्र्याच्या ठाणे जिल्ह्यातही दहीहंडीचे मोठ्या जोशात आयोजन करण्यात आले आहे. ठाण्याच्या टेंभीनाका, संकल्प प्रतिष्ठा, वर्तकनगर येथे भव्यदिव्य अशा दहीहंडी सोहळ्याचे आयोजन करण्यात आले आहे. वर्तकनगर येथील संस्कृती प्रतिष्ठानच्या मंचावर मुख्यमंत्री तसेच उपमुख्यमंत्रीही हजेरी लावणार आहेत. इतकंच नव्हे तर वरूण धवन, विकी कौशल, आयुष्यमान खुराणा ही बॉलिवूडची मंडळीही उपस्थित असतील.
संकल्प प्रतिष्ठान येथील दहीहंडीलाही मुख्यमंत्री एकनाथ शिंदे तसेच उपमुख्यमंत्री देवेंद्र फडणवीस उपस्थित असणार आहेत. यावेळी सुनील शेट्टी, चंकी पांडे तसेच इतर बॉलिवूड मंडळीही येणार आहेत.
हल्लेखोर घटनास्थळावरुन पसार शिर्डी : लोकसभा निवडणुकीच्या (Loksabha Election) पार्श्वभूमीवर राज्यात अनेक मोठ्या घडामोडी घडत…
जाणून घ्या कोणत्या राज्यात किती टक्के मतदान मुंबई : लोकसभा निवडणुकीसाठी (Loksabha Election 2024) आज…
पवार विरुद्ध पवार सामन्यात कोणता नवा ट्विस्ट? मुंबई : लोकसभा निवडणुकीसाठी (Lok Sabha Election) आज…
शुभ दिवशी सोने खरेदीवर मिळणार 'ही' विशेष सवलत मुंबई : साडेतीन मुहूर्तांपैकी एक मानल्या जाणाऱ्या…
पालघरमध्ये उमेदवारी न मिळाल्याने होती नाराजी मुंबई : महायुतीमध्ये (Mahayuti) पालघर लोकसभेची (Palghar Loksabha) जागा…
राजस्थानमध्ये पोलिसांनी ठोकल्या बेड्या मुंबई : अभिनेता सलमान खानच्या (Salman Khan) घरावर गोळीबार प्रकरणात (Firing…