नवी दिल्ली : जगभरात कोरोनाचा संसर्ग पुन्हा एकदा पसरू लागला आहे. मागिल २४ तासांत जगभरात ६६ हजार नवे रुग्ण आढळले. यामध्ये भारतातील दिल्ली, महाराष्ट्र आणि गुजरातसह देशाच्या इतर भागातही कोरोनाची प्रकरणे आता वैद्यकीय तज्ज्ञांचे टेन्शन वाढवत आहेत.
आरोग्य विभागाने दिलेल्या माहितीनुसार, एकीकडे H3N2 व्हायरससोबतच दुसरीकडे कोरोनाच्या रुग्णांमध्येही वाढ होत आहे. महाराष्ट्रात कोरोनाचे २३६ नवे रुग्ण आढळून आले आहेत. यापैकी ५२ मुंबईत, ठाण्यात ३३, पुण्यात ६९, नाशिकमध्ये २१ आणि कोल्हापूर आणि अकोल्यात प्रत्येकी १३ रुग्ण आढळले आहेत. राज्यातील कोरोना बाधित रुग्णांची संख्या ८१,३९,७३७ झाली आहे. यादरम्यान एकाही रुग्णाचा मृत्यू झाल्याचे प्रकरण समोर आले नाही.
राजधानी दिल्लीत कोरोनाचे ७२ नवीन रुग्ण आढळले आहेत. यासह पॉझिटिव्हिटी रेट ३.९५ टक्के झाला आहे.
गेल्या २४ तासांत देशभरात कोविडचे ९१८ नवीन रुग्ण आढळले आहेत. यासह, सोमवारी सक्रिय रुग्णांची संख्या ६३५० वर गेली आहे. त्याच वेळी, सकारात्मकता दर २.०८ टक्क्यांवर गेला आहे.
भारतात सुमारे चार महिन्यांनंतर कोरोनाची प्रकरणे वाढू लागली आहेत, शास्त्रज्ञांचा असा विश्वास आहे की कोविड-१९ एक्सबीबी प्रकाराचा वंशज एक्सबीबी १.१६, गेल्या काही दिवसांत भारतात कोरोना व्हायरसच्या प्रकरणांमध्ये अलीकडील वाढीमागे असू शकतो.
भारताव्यतिरिक्त, हा प्रकार चीन, सिंगापूर, युनायटेड स्टेट्स आणि इतरांसह विविध देशांमध्ये देखील वेगाने पसरला आहे. एका अहवालानुसार, कोविड-१९च्या या प्रकारामुळे नवीन लाट येण्याची शक्यता वाढू शकते. कोरोना प्रकारांवर नजर ठेवणाऱ्या आंतरराष्ट्रीय व्यासपीठानुसार, भारतात सध्या कोरोनाच्या एक्सबीबी १.१६ प्रकारातील सर्वाधिक प्रकरणे नोंदली गेली आहेत.
जाणून घ्या सविस्तर मुंबई : देशभरात निवडणुकांचे वारे वाहत असताना अनेक कंपन्या किंवा बँका अशा…
काय आहे प्रकरण? रांची : झारखंडचे माजी मुख्यमंत्री हेमंत सोरेन (Hemant Soren) यांना ईडीने (ED)…
मुंबई : भाजपाने (BJP) उत्तर मध्य मुंबई लोकसभा मतदारसंघातून प्रख्यात कायदेपंडित उज्ज्वल निकम (Ujjwal Nikam)…
शशिकांत शिंदे मविआचे साताऱ्यातील उमेदवार साताऱ्यात मविआच्या अडचणीत वाढ सातारा : लोकसभा निवडणुकीच्या (Loksabha Election)…
काँग्रेसने अनेक वर्ष राज्य केलं, पण जनतेला फक्त चॉकलेट दाखवलं उपमुख्यमंत्री देवेंद्र फडणवीस यांची सणसणीत…
राजेश क्षीरसागर यांची टीका कोल्हापूर : निवडणुकीच्या रणधुमाळीत सत्ताधारी आणि विरोधक एकमेकांवर आरोप प्रत्यारोप करत…