मुंबई : मुंबईतील एका प्रसिद्ध हॉटेलमध्ये झालेल्या पार्टीत कोरोनाचे नियम पायदळी तुडवत सिने कलाकारांसह तरुण तरुणींनी मोठी गर्दी केली होती. कॅनेडियन रॅपर एबी ढिल्लोनच्या गाण्यावर सगळेच थिरकले. पण सोशल डिस्टन्सिंग आणि मास्कचा अभाव सगळीकडे दिसला. यामध्ये बॉलीवूड सेलिब्रिटी आघाडीवर असल्याचे दिसले. या पार्टीत सारा अली खान, (Sara Ali Khan) सचिन तेंडूलकरची मुलगी सारा तेंडुलकर (Sara Tendulkar) आणि जान्हवी कपूर (Janhavi Kapoor) उपस्थित होते. या व्यतिरिक्त अन्य काही सेलिब्रिटी देखील या ठिकाणी उपस्थित होते.
माध्यमांनी बातमी दिल्यानंतर या पार्टीवर प्रश्नचिन्ह उपस्थित झाले आहे. त्यातच कोरोनाचे नियम धाब्यावर बसवून इतक्या मोठ्या प्रमाणात लोक एकत्र येतात, यामुळे ही पार्टी वादाच्या भोवऱ्यात सापडली आहे. यानंतर पोलिसांनी दखल घेत कारवाई केली. पोलिसांनी लाईव्ह कॉन्सर्ट आयोजित करणाऱ्या आयोजकांवर गुन्हे दाखल केले आहेत. कॅनेडियन रॅपर ढिल्लोनच्या (AP DHILLON) लाईव्ह कॉन्सर्टचा कार्यक्रम रविवारी आयोजित करण्यात आला होता. त्यानंतर वेगवेगळ्या इन्स्टाग्राम अकाऊंट्सवर याचे व्हीडिओ व्हायरल झाले.
राज्यभरात ओमिक्रॉनचे रुग्ण वाढत असताना अशा प्रकारची लाईव्ह कॉन्सर्ट पार पडणं, पोलिसांनी याची परवानगी देणं, सेलिब्रिटींनी या ठिकाणी गर्दी करणं, या सगळ्यावर प्रश्न उभे राहतात. सध्या मुंबईत कलम १४४ लागू आहे. अशा वेळी सांताक्रूझमधील एका मोठ्या हॉटेलमध्ये ही पार्टी झाली. त्यात मुंबईतील बड्या हस्तींनी हजेरी लावली. अशा वेळी नियम फक्त सर्वसामान्यांनाच आहेत का, असा प्रश्न उपस्थित होतो.
मुंबई: अक्षय्य तृतीयेचा(akshay tritiya) सण प्रत्येक वर्षी वैशाख महिन्याच्या शुक्ल पक्षाच्या तृतीयेला तिथी साजरी केली…
मुंबई:आयसीसी पुरुष टी-२० वर्ल्डकप २०२४ची(icc mens cricket world cup 2024) क्रिकेट चाहते अतिशय आतुरतेने वाट…
नवी दिल्ली: लोकसभा निवडणुकीदरम्यान दिल्लीमध्ये काँग्रेसला मोठा झटका बसला आहे. दिल्ली प्रदेश काँग्रेसचे माजी अध्यक्ष…
Godrej Family Split: गोदरेज कुटुंबाने 30 एप्रिल रोजी 127 वर्ष जुन्या कंपनीला दोन संस्थांमध्ये विभाजित…
मुंबई: प्रत्येकजण आपल्या कमाईतून काही ना काही रक्कम वाचवत असतो. तसेच ही रक्कम अशा जागी…
CBSC: काही दिवसांपासुन दहावी आणि बारावीच्या निकालाबाबत बनावट परिपत्रके समाजमाध्यमामध्ये व्हायरल होत आहेत. हा प्रकार…