मुंबई (प्रतिनिधी) : बॉम्बे डाईंगच्या स्प्रिंग- टेक्स्टाइल आणि श्रीनिवास मिलच्या ३८९४ कामगारांना लवकरच घरे देण्याचे ठाम आश्वासन म्हाडाचे कार्यकारी अभियंता प्रशांत धात्रक यांनी राष्ट्रीय मिल मजदूर संघाच्या शिष्टमंडळाला बुधवारी वांद्रे येथील कार्यालयात दिलें आहे.
सदर घरांबाबत करण्यात आलेल्या खोट्या तक्रारींवर सनियंत्रण कमिटीचे चेअरमन यांनी या घरांचा ताबा देण्या बाबत मनाई हुकूम दिला होता; परंतु राष्ट्रीय मिल मजदूर संघ आणि कृती समितीच्या नेत्यांनी या प्रश्नावर सविस्तर खुलासे करून सत्यस्थिती समोर आणली आणि संनियंत्रण कमिटीचे चेअरमन यांनी ही मनाई उठविली. त्याप्रमाणे सोडतीत विजयी ठरलेल्या कामगारांना घरे देण्याची प्रक्रिया सुरू करावी, असा हुकूमही संनियंत्रण समितीने म्हाडाला दिला होता. तरीही म्हाडाकडून घरे देण्यास दिरंगाई केली जात होती. तेव्हा कामगारांना घरे त्वरित मिळावी, यासाठी राष्ट्रीय मिल मजदूर संघाने ही तातडीने भेट घेतली.
मुंबई महानगरपालिकेकडून इमारतींना ताबापत्र (ओसी) मिळाले नसल्याचे कळताच राष्ट्रीय मिल मजदूर संघाने पालिका अधिकाऱ्यांची भेट घेतली होती.रा. मि. म. संघाच्या या एकूण प्रयत्नावर पात्र उमेदवारांची यादी इमेलवर टाकण्यास सुरुवात केली. पालिकेकडून लवकरच ताबा प्रमाणपत्र देण्याबाबत हालचाली सुरू झाल्याचे म्हाडा अधिकाऱ्यांनी शिष्टमंडळाला सांगितले आहे. एकूण या प्रश्नाला गती देण्यात येत असल्याचे म्हाडाने सांगितले. शिष्टमंडळात खजिनदार निवृत्ती देसाई, उपाध्यक्ष बजरंग चव्हाण, सहाय्यक सेक्रेटरी मोहन पोळ होते.
योगी आदित्यनाथ यांचा ठाम विश्वास पालघर : महाराष्ट्रात एकूण पाच टप्प्यात निवडणुका पार पडणार असून…
जम्मू : देशात लोकसभा निवडणुकीचे (Lok Sabha Election) वातावरण आहे. परंतु, काश्मिरात दहशतवाद्यांचा उच्छाद सुरु…
कोकणी बाणा : सतीश पाटणकर मुंबई शहरात अनेक पर्यटन स्थळे, प्राचीन, प्रसिद्ध मंदिरांचा वारसा लाभला…
नक्षत्रांचे देणे : डॉ. विजया वाड प्रेमकहाणी या लेखामधून दोन प्रेमी जीवांची झालेली ताटातूट, तरी…
विशेष : लता गुठे रस्त्याच्या दोन्ही बाजूला असलेली झाडे आणि त्यांच्या एकमेकांमध्ये गेलेल्या फांद्या यामुळे…
विशेष : भालचंद्र ठोंबरे महाभारतात कौरव पांडवांचे युद्ध होणार, हे निश्चित झाल्यावर, देशोदेशीच्या राजांनाही या…