मुंबई : गेल्या काही दिवसांपासून विरोधकांनी (Opposition parties) भाजपविरोधात एकत्र येण्यासाठी जोर लावला आहे. आपल्या आघाडीचे नाव बदलून त्यांनी ते यूपीए (UPA) ऐवजी इंडिया (I.N.D.I.A.) असेही केले आहे. या नावावर पंतप्रधान नरेंद्र मोदींसह (PM Narendra Modi) अनेक भाजप नेत्यांनी टीकास्त्र उपसले. मोदींनी तर हे इंडिया नव्हे तर घमंडिया आहे, असा टोलाही लगावला. यानंतर आता भाजपच्या एका जाहिरातीने (BJP advertisement) सर्वांचे लक्ष वेधले आहे. केवळ नाव बदलून काही होत नाही तर त्यासाठी कामही तसे असावे लागते, अशी एक खोचक जाहिरात भाजपकडून प्रसिद्ध करण्यात आली आहे. भाजपाचे प्रवक्ते अमित मालवीय यांच्यासह भाजपाच्या अनेक नेत्यांनी ही जाहिरात ट्वीट केली आहे.
या जाहिरातीत आपल्याला सुरुवातीला शाळेतील एक वर्ग दिसतो. त्यात एक शिक्षिका दिसतात, ज्या गजोधर नावाच्या मुलाला गृहपाठाची वही न आणल्यामुळे ओरडतात. यावर गजोधर ‘मॅम मेरी नोटबुक कुत्तेने खाली’ असं म्हणतो आणि त्यावर सगळी मुलं हसू लागतात. मॅडम आणखी चिडून म्हणतात, ‘ए गजोधर चुप बेशरम, झूठ बोलनेमें शर्म नहीं आती?’. हा गजोधर नावाचा मुलगा वयानेही वर्गातील इतर मुलांपेक्षा मोठा दिसतो.
दुसर्या प्रसंगात गजोधरला १०० पैकी ० मार्क मिळतात आणि मुलं त्याला ‘गली गली में शोर है, गधोहर का स्कोअर झिरो है’ असं चिडवत असतात. त्यानंतर हा मुलगा आईकडे येतो. आई विचारते परत शून्य मार्क? त्यावर हा मुलगा म्हणतो सब मुझे गधोहर चिढाते हैं. आप प्लीज कुछ करो. त्यावर आई म्हणते, तुम्हाला नाम बदलते हैं. नया नाम नयी पहचान. मग नाव पुकारलं जातं इंदरसिंग.. हे नाव पुकारल्यावर तोच मुलगा चालत येतो. त्याला १०० पैकी १०० मार्क मिळालेले असतात. त्यावर तो मुलगा खुश होतो आणि तेवढ्यात त्याचं स्वप्न मोडतं. पुन्हा वर्गातील सगळी मुलं त्याच्यावर हसू लागतात. ‘गजोधर हो या इंदर… नाम बदलनेसे काम नहीं बदलता! अपनी हरकते ठिक करो पहले’ असं सर त्या मुलाला ओरडतात. त्यानंतर या व्हिडीओच्या शेवटी ओळी येतात, ‘कृपया ध्यान दे, इस व्हिडीओ का UPA किंवा I.N.D.I.A. से कोई संबंध नहीं है’.
या व्हिडीओत गजोधर म्हणून दाखवण्यात आलेला मुलगा अगदी राहुल गांधींसारखेच हातवारे करतानाही दिसतो. शिवाय इंदर सिंग या नामकरणानंतर जेव्हा तो वर्गात प्रवेश करतो तेव्हा मुलं टाळ्या वाजवत असताना त्याने उंचावलेला ‘हात’ खास शॉटद्वारे दाखवला आहे. यामुळे भाजपने ही काँग्रेसची सरळसरळ खिल्ली उडवली आहे.
मुंबई : शैक्षणिक वर्ष २०२४-२०२५ साठी ‘शिक्षण हक्क अधिनियम’ अर्थात ‘आरटीई’अंतर्गत २५ टक्के आरक्षित जागांसाठीच्या…
संजय राऊत यांनाच मुख्यमंत्री व्हायचे होते, त्यासाठी उद्धव ठाकरेंना ब्लॅकमेल केल्याचा आमदार नितेश राणे यांचा…
दोन्ही नेते भाषण न करता निघून गेले फुलपूर : लोकसभा निवडणुकीच्या (Lok Sabha Election) पार्श्वभूमीवर…
चिपळूणात ढगफुटी, अडरे गावात अर्ध्या तासात रेकॉर्डब्रेक पाऊस, नद्या दुथडी भरुन वाहू लागल्या चिपळूण :…
काँग्रेस आणि झामुमो यांनी झारखंडला लुटण्याची एकही संधी सोडली नाही पंतप्रधान मोदींनी विरोधकांना झोडपले! जमशेदपूर…
नवी दिल्ली : फसव्या जाहिरातींप्रकरणी सर्वोच्च न्यायालयाच्या दणक्यामुळे पतंजली कंपनीचे संस्थापक रामदेव बाबा आणि बाळकृष्ण…