अहमदाबाद/ भिवंडी : पाकिस्तानी गुप्तचर संघटना आयएसआयसाठी काम करणाऱ्या ‘एसएफजे’ या दहशतवादी संघटनेसाठी काम करणाऱ्या टोळीचे भिवंडीतील कॉलसेंटर अहमदाबाद येथील सायबर सेलने उद‌्ध्वस्त केले. या ठिकाणी काम करणाऱ्या तिघांना ताब्यात घेतले असून सीम कार्डचे तब्बल चार बॉक्स जप्त करण्यात आले आहेत. गुजरात पोलीस कारवाईची संपूर्ण माहिती शुक्रवारी पत्रकार परिषद घेऊन देणार आहेत.
पाकिस्तानी गुप्तचर संघटना आयएसआयसाठी काम करणाऱ्या ‘एसएफजे’ संघटनेचे रेकॉर्ड केलेले कॉल या सेंटरच्या माध्यमातून लोकांच्या फोनवर डायव्हर्ट करण्यात येत होते. भिवंडीतील एका बांधकाम सुरू असलेल्या इमारतीत हा गोरखधंदा सुरू होता.
गुजरात एटीएसचे पोलीस उपायुक्त अजित रजियान यांना याची माहिती मिळताच त्यांनी पोलीस उपायुक्त जी. पी. यादव यांच्यासह पथकाला तातडीने भिवंडीत रवाना केले आणि त्यांनी ही मोहीम फत्ते केली.
अहमदाबादच्या नरेंद्र मोदी स्टेडियममध्ये पंतप्रधान मोदी व ऑस्ट्रेलियाचे पंतप्रधान यांची भेट झाली होती. तेव्हा काही संशयास्पद कॉल रेकॉर्डिंग सायबर सेलच्या हाती लागले होते. त्याआधारे पथकाने मध्य प्रदेशातून काही आरोपींना अटक केली होती. त्यांची चौकशी सुरू असताना पुन्हा काही संशयास्पद कॉल्स सायबरच्या रडारवर आले. अधिक चौकशी केली असता त्याचे कनेक्शन भिवंडीपर्यंत पोहोचले. त्यानंतर ही कारवाई करण्यात आली.
मुंबई: आयपीएल २०२४मध्ये(ipl 2024) गुरूवारी ५०वा सामना खेळवण्यात आला. हा सामना राजस्थान रॉयल्स आणि सनरायजर्स…
नवी दिल्ली : उत्तर प्रदेशातील रायबरेली आणि अमेठी मतदारसंघातून काँग्रेस उमेदवारांची घोषणा अखेर करण्याती आली…
मुंबई: आजकाल प्रत्येक कामे ही मोबाईलनेच केली जातात. विचार करा की जर तुमच्याकडे फोन नसेल…
मुंबई: स्वप्नशास्त्रानुसार स्वप्नात काही गोष्टी दिसणे शुभ मानले जाते. यामुळे व्यक्ती नेहमी आनंदी जीवन जगतो.…
पंचांग आज मिती चैत्र कृष्ण दशमी शके १९४६.चंद्र नक्षत्र शततारका. योग ब्रम्हा. चंद्र राशी कुंभ…
देशामध्ये लोकसभेच्या सार्वत्रिक निवडणुकांचे दोन टप्पे पार पडले असून येत्या ७ मे रोजी निवडणुकीच्या तिसऱ्या…