मुंबई : प्रसाद ओक (Prasad Oak) हा मराठी मनोरंजनसृष्टीतील आघाडीचा अभिनेता (Marathi actor) आहे. आजवर अनेक चित्रपटांतून त्याने विविधांगी भूमिका साकारल्या आहेत. कच्चा लिंबू, हिरकणी, चंद्रमुखी, यांसारख्या चित्रपटांतून त्याने दिग्दर्शक म्हणूनही चोख कामगिरी बजावली आहे. त्याने धर्मवीर (Dharmaveer) या चित्रपटात साकारलेली आनंद दिघे (Anand Dighe) यांची भूमिका प्रेक्षकांच्या विशेष पसंतीस उतरली. प्रसाद ओकला पाहिल्यानंतर त्याची धर्मवीरांची भूमिका आपसूकच आठवते. यानंतर एका मुलाखतीत प्रसादने कोणावर बायोपिक बनवायला आवडेल या प्रश्नाचं उत्तर देताना आपली एक सुप्त इच्छा व्यक्त केली आहे. महाराष्ट्राच्या राजकारणात मोठा वाटा असलेल्या एका राजकारण्याची भूमिका करायला आवडेल, असं तो म्हणाला आहे.
प्रसाद ओकने उत्तर दिलं की, मला सदाशिवराव पेशवेंची भूमिका साकारायला आवडेल. अण्णा हजारे, वपु काळे, जब्बार पटेल यांचीही भूमिका साकारायला आवडेल. विशेष मला शरदचंद्र पवार (Sharad Pawar) यांची देखील भूमिका करायला आवडेल. त्यांचा बायोपिक देखील दिग्दर्शित करण्याची माझी इच्छा आहे. ते महाराष्ट्रातील मोठे नेते आहेत. त्याच्या या उत्तरामुळे भविष्यात प्रसाद शरद पवार यांच्यावर आधारित सिनेमा करताना दिसणार का, हे पाहण्याची चाहत्यांना उत्सुकता लागून राहिली आहे.
प्रसाद ओकचा पहिला सिनेमा म्हणजे बॅरिस्टर. या सिनेमासह त्याने ऐका दाजिबा, एक डाव धोबी पछाड, लगे रहो मुन्नाभाई, कलियुग, जेहेर, जोशी की कांबळे, पकडापकडी, हरी माझी घरी, हिप हिप हुर्रे, खेळ मांडला, निर्मला, धतिंग धिंगाणा, बाळकडू, डॉक्टर रमाबाई, ७ रोशन व्हिला, शिकारी, आणि डॉ काशिनाथ घाणेकर, ये रे ये रे पैसा, पिकासो, हिरकणी, धुरळा अशा अनेक गाजलेल्या सिनेमांमध्ये उत्तम भूमिका साकारल्या. सहाय्यक दिग्दर्शक ते आघाडीचा अभिनेता व दिग्दर्शक हा प्रसाद ओकचा प्रवास अनेकांना प्रेरणा देणारा आहे.
आधी त्यांनी ईव्हीएम मशीनच्या नावाने बोंबा ठोकल्या मग मतांच्या टक्केवारीवर प्रश्नचिन्ह उभे केले आता बोटाच्या…
ऐन निवडणुकीच्या काळात राऊतांना 'ते' वक्तव्य चांगलंच भोवणार मुंबई : ठाकरे गटाचे खासदार संजय राऊत…
बुलढाणा बस दुर्घटनेची पुनरावृत्ती होता होता वाचली! बुलढाणा : गतवर्षी जून महिन्यात बुलढाणा येथे एक…
कालच्या राड्याप्रकरणी मिहिर कोटेचा यांचा मुंबईकरांना सवाल मविआच्या २५-३० कार्यकर्त्यांवर गुन्हा दाखल; ५ जण पोलिसांच्या…
हसन मुश्रीफांनी घटनेची दखल घेत तातडीने आर्थिक मदत करण्याच्या दिल्या सूचना कोल्हापूर : कोल्हापुरातून (Kolhapur)…
कारण सांगताच घरचेही अवाक नवी दिल्ली : 'तारक मेहता का अलटा चष्मा' या लोकप्रिय मालिकेतून…