Amul Lactose Free Milk Packaging : दूधाच्या पॅकेटवरून गोंधळ; व्हायरल व्हिडीओनंतर अमूलने दिली स्पष्टीकरण, नेमकं प्रकरण काय?

मुंबई : इंस्टाग्रामवर अमूल लॅक्टोज-फ्री दुधाच्या पॅकेटचा व्हिडीओ व्हायरल झाल्यानंतर सोशल मीडियावर चर्चेला उधाण आलं. त्रिशांग शेट्टी या क्रिएटरने दुधाचं पॅकेट नेहमीपेक्षा थोडं फुगलेलं दिसत असल्याचं निदर्शनास आणून दिलं होतं. पॅकेटवरच ‘फुगलेलं पॅकेट खरेदी करू नका’ असा उल्लेख असल्याने त्यांनी याबाबत शंका उपस्थित केली होती. (Amul Lactose Free Milk Packaging)

व्हिडीओ व्हायरल झाल्यानंतर अमूलने स्वतः त्रिशांग यांच्याशी संपर्क साधून संपूर्ण प्रकरणाची माहिती दिली. कंपनीने स्पष्ट केलं की, अमूल सध्या जुन्या टेट्रा पॅकेजिंग तंत्रज्ञानातून नवीन SIG Packaging Technology कडे संक्रमण करत आहे. त्यामुळे या बदलाच्या काळात जुन्या आणि नव्या प्रकारची दोन्ही पॅकेट्स बाजारात उपलब्ध आहेत. अमूलच्या म्हणण्यानुसार, नव्या SIG पॅकेटची रचना अशी आहे की ते पूर्ण भरलेलं आणि किंचित फुगलेलं दिसू शकतं. त्यामुळे पॅकेट खराब असल्याचा गैरसमज होऊ शकतो. (Amul Lactose Free Milk Packaging)

Maharashtra Cabinet Decisions : नागपूरमध्ये लता मंगशेकर विद्यापीठ, खेळाडूंच्या रोख बक्षीस धोरणात सुधारणा यांसह राज्य मंत्रिमंडळाच्या बैठकीत चार महत्त्वाचे निर्णय

मुंबई : मुख्यमंत्री देवेंद्र फडणवीस यांच्या अध्यक्षतेखाली मुंबईत मंत्रिमंडळाची बैठक झाली. या बैठकीत जनहिताचे चार निर्णय झाले. क्रीडा, उच्च व ...

दरम्यान, पॅकेटच्या निळ्या रंगात फरक का दिसतो, याचंही कंपनीने स्पष्टीकरण दिलं. नव्या पॅकेजिंग मटेरियलला मॅट फिनिश असल्यामुळे निळ्या रंगाची छटा काहीशी वेगळी दिसते; मात्र रंगाचा शेड बदललेला नसल्याचं अमूलने स्पष्ट केलं. (Amul Lactose Free Milk Packaging)

CM Devendra Fadnavis : मुख्यमंत्री फडणवीस यांच्या हस्ते आतापर्यंत साडेबारा लाखांपेक्षा जास्त शेतकऱ्यांना दहा हजार ११५ कोटी रुपयांच्या कर्जमुक्तीच्या लाभाचे वितरण

मुंबई : पुण्यश्लोक अहिल्यादेवी होळकर शेतकरी कर्जमुक्ती या योजनेच्या दुसऱ्या टप्प्यातील ६,३६,०३६ पात्र शेतकऱ्यांना ₹५,०८६ कोटींच्या कर्जमुक्तीचा ...

तसंच, Blinkit आणि Swiggy Instamart सारख्या प्लॅटफॉर्मवर उत्पादने थेट अमूलकडून पाठवली जात असल्याने मध्ये कोणत्याही प्रकारची भेसळ होण्याची शक्यता नसल्याचंही कंपनीने सांगितलं. अमूलच्या स्पष्टीकरणानंतर त्रिशांग शेट्टी यांनीही आपली गैरसमजूत झाल्याचं मान्य करत सोशल मीडियावर माफी मागितली आहे. (Amul Lactose Free Milk Packaging)

 

View this post on Instagram

 

A post shared by Trishang Shetty (@trishangshetty)