Aus vs Ban 2nd Test Match : ऑस्ट्रेलिया आणि बांगलादेश यांच्यातील मालिकेतील दुसरा कसोटी सामना मॅके येथे खेळवला जात आहे. पहिल्या कसोटीत ९ विकेट्सने पराभव पत्करावा लागल्यानंतर ऑस्ट्रेलियाने दुसऱ्या सामन्यात शानदार पुनरागमन केले. नाणेफेक जिंकून ऑस्ट्रेलियाने प्रथम गोलंदाजी करण्याचा निर्णय घेतला आणि मिचेल स्टार्कने (Mitchell Starc) नव्या चेंडूने बांगलादेशच्या फलंदाजांची अक्षरशः धुलाई केली. (Aus vs Ban 2nd Test Match)
पहिल्याच चेंडूवर विकेट :
मिचेल स्टार्कने (Mitchell Starc) सामन्याच्या पहिल्याच चेंडूवर शादमन इस्लामला बाद करत ऑस्ट्रेलियाला शानदार सुरुवात करून दिली. चेंडू उशिरा स्विंग झाला आणि शादमनच्या बॅटची कड घेत तो कॅमेरून ग्रीनच्या हातात विसावला. कसोटी सामन्याच्या पहिल्याच चेंडूवर विकेट घेण्याची स्टार्कची ही चौथी वेळ ठरली.
नवी मुंबई : भारताचा स्टार भालाफेकपटू आणि ‘गोल्डन बॉय’ नीरज चोप्रा (Neeraj Chopra) याने लुसाने डायमंड लीगमध्ये (Lausanne Diamond League) दमदार कामगिरी करत यंदाच्या हंगामातील ...
यानंतर स्टार्कने (Mitchell Starc) दुसऱ्या षटकाच्या पहिल्याच चेंडूवर तन्झीद हसन तमीमला बाद केले. त्यानंतरच्या चेंडूवर नजमुल हुसैन शांतोला एलबीडब्ल्यू करत त्याने बांगलादेशला तिसरा धक्का दिला. सुरुवातीच्या अवघ्या १४ चेंडूंमध्ये बांगलादेशचे तीन फलंदाज माघारी परतले. (Aus vs Ban 2nd Test Match)
७ षटकांत १२ धावांत ५ विकेट्स :
स्टार्क (Mitchell Starc) इथेच थांबला नाही. आपल्या पुढील स्पेलमध्ये त्याने मोमिनुल हक आणि लिटन दास यांनाही बाद केले. अशाप्रकारे त्याने अवघ्या २४ चेंडूंच्या पहिल्या स्पेलमध्ये बांगलादेशच्या अर्ध्या संघाला पॅव्हेलियनमध्ये पाठवले. बांगलादेशने अवघ्या ७ षटकांत १२ धावांवर पाच विकेट्स गमावल्या. स्टार्कच्या घातक गोलंदाजीमुळे बांगलादेशच्या फलंदाजांना सुरुवातीपासूनच संघर्ष करावा लागला. (Aus vs Ban 2nd Test Match)
नवी दिल्ली : टोकियो २०२० ऑलिम्पिकमध्ये भारताचे प्रतिनिधित्व करणारा ३१ वर्षीय भालाफेकपटू शिवपाल सिंग याच्यावर दुसऱ्यांदा डोपिंग नियमांचे उल्लंघन ...
डेल स्टेनला टाकलं मागे :
या पाच विकेट्ससह मिचेल स्टार्कने (Mitchell Starc) कसोटी क्रिकेटमध्ये सर्वाधिक विकेट्स घेणाऱ्या गोलंदाजांच्या यादीत दक्षिण आफ्रिकेचा दिग्गज वेगवान गोलंदाज डेल स्टेनला मागे टाकले.
डेल स्टेनने ९३ कसोटी सामन्यांच्या १७१ डावांमध्ये ४३९ विकेट्स घेतल्या होत्या. स्टार्कने (Mitchell Starc) आपल्या १०७व्या कसोटी सामन्यात २०५ डावांमध्ये ४४० विकेट्सचा टप्पा गाठला. कसोटी क्रिकेटमध्ये सर्वाधिक विकेट्स घेण्याचा विक्रम श्रीलंकेच्या मुथय्या मुरलीधरन यांच्या नावावर आहे. त्यांनी ८०० विकेट्स घेतल्या आहेत. तर वेगवान गोलंदाजांमध्ये इंग्लंडच्या जेम्स अँडरसन यांच्या नावावर ७०४ विकेट्स आहेत. (Aus vs Ban 2nd Test Match)
