मुंबई : कुर्ला-ट्रॉम्बे रेल्वे मार्गाजवळ सुरू असलेल्या बांधकामाच्या कामादरम्यान हायड्रॉलिक क्रेन कोसळल्याची घटना घडली. या दुर्घटनेत एकूण 10 जण जखमी झाले असून त्यांना सायन आणि कुर्ला भाभा रुग्णालयात उपचारासाठी दाखल करण्यात आले आहे. सर्व जखमींची प्रकृती स्थिर असल्याची माहिती डॉक्टरांनी दिली आहे. (Mumbai Crane Accident)
क्रेनचा काही भाग क्यूरेशी नगर परिसरातील झोपड्यांवर तसेच सम्राट अशोक नगरच्या रस्त्यावर पडला. याशिवाय म्हाडाच्या इमारतीच्या कंपाउंड वॉलचेही नुकसान झाले आहे. म्हाडा इमारतीच्या आवारात पार्क केलेल्या तीन ते चार चारचाकी वाहनांचेही नुकसान झाल्याची माहिती समोर आली आहे. (Mumbai News)
पुणे : पुणे रेल्वे विभागाकडून पुणे यार्डातील ट्रॅक आणि सिग्नल यंत्रणेच्या आधुनिकीकरणाचे काम हाती घेण्यात आले आहे. या कामासाठी रविवारी, 23 ऑगस्ट रोजी ...
या दुर्घटनेत 10 जण जखमी झाले. त्यापैकी 8 जणांना सायन रुग्णालयात दाखल करण्यात आले, तर 2 जणांवर कुर्ला भाभा रुग्णालयात उपचार सुरू आहेत. (Sion hospital)
सायन रुग्णालयात दाखल करण्यात आलेल्या जखमींमध्ये जगरुल्ला नबी मोहम्मद खान (63) , 3 महिन्यांचा अहमद नियाज अहमद, अतिकुर रहमान (60), हकुम शेख (36), नुमान खान (21), रेहमान खान (19), सुरज गौर (10) आणि अकबर (40) यांचा समावेश आहे. (MMRDA)
कुर्ला भाभा रुग्णालयात राजू गौड (35) आणि आरती गौड (30 ) यांच्यावर उपचार सुरू आहेत. दोघांचीही प्रकृती स्थिर असल्याचे रुग्णालय प्रशासनाकडून सांगण्यात आले आहे. ( Kurla Bhabha Hospital)
या दुर्घटनेनंतर परिसरात काही काळ गोंधळाचे वातावरण निर्माण झाले होते. घटनेची माहिती मिळताच संबंधित यंत्रणांनी घटनास्थळी पाहणी सुरू केली असून, क्रेन नेमकी कशामुळे कोसळली, याचा तपास करण्यात येत आहे. (Mumbai )
