मुंबई : उपमुख्यमंत्री एकनाथ शिंदे (Eknath Shinde) यांच्या नेतृत्वावर विश्वास व्यक्त करत राज्यभरातील विविध राजकीय पक्षांचे पदाधिकारी, लोकप्रतिनिधी आणि प्रमुख कार्यकर्ते शिवसेनेत (Shivsena) दाखल झाले आहेत. मंगळवारी (१८ ऑगस्ट) मुंबईतील नंदनवन निवासस्थानी झालेल्या पक्षप्रवेशाच्या कार्यक्रमात उबाठा गट, मनसे, राष्ट्रवादी काँग्रेस, शेतकरी कामगार पक्ष आणि बहुजन हक्क अभियानाशी संबंधित अनेक पदाधिकारी व कार्यकर्त्यांनी शिवसेनेचा भगवा हाती घेतला.
उपमुख्यमंत्री एकनाथ शिंदे (Eknath Shinde) यांनी सर्व नव्या पदाधिकारी आणि कार्यकर्त्यांचे शिवसेनेत स्वागत करून त्यांच्या पुढील राजकीय वाटचालीसाठी शुभेच्छा दिल्या. या मोठ्या पक्षप्रवेशामुळे राज्यातील विविध भागांत शिवसेनेच्या संघटनविस्ताराला बळ मिळाल्याचा दावा पक्षाकडून करण्यात आला आहे.
बार्शी आणि सांगोल्यातून मोठे इनकमिंग :
माजी आमदार शहाजीबापू पाटील यांच्या पुढाकाराने बार्शी तालुक्यातील वैराग नगरपंचायतीच्या नगराध्यक्षा सुजाता डोळसे, उपनगराध्यक्ष निरंजन भूमकर यांच्यासह १३ नगरसेवकांनी शिवसेनेत प्रवेश केला. सांगोला विधानसभा मतदारसंघातील शेतकरी कामगार पक्ष, राष्ट्रवादी काँग्रेससह अन्य पक्षांतील सुमारे २०० कार्यकर्त्यांनीही शिवसेनेत प्रवेश केल्याची माहिती देण्यात आली. यामध्ये विविध स्थानिक पदाधिकारी आणि कार्यकर्त्यांचा समावेश आहे. (Shivsena)
बारामती : बारामतीतील विविध समस्या आणि वाढत्या गुन्हेगारीच्या मुद्द्यावरून सोशल मीडियावर एक कथित खुलं पत्र सध्या चर्चेत आलं आहे. या पत्रातून पवार ...
उबाठा गट आणि बहुजन हक्क अभियानालाही धक्का :
बार्शीतील उबाठा गटाचे माजी उपशहरप्रमुख दीपक पाटील यांच्या मार्गदर्शनाखाली बहुजन हक्क अभियानाचे बार्शी तालुकाध्यक्ष सचिन पालखे, श्रीकांत गायकवाड, दर्शन देशमुख, महिला अध्यक्ष बबिता मोकाशी यांच्यासह अनेक पदाधिकारी शिवसेनेत दाखल झाले. (Shivsena)
चंद्रपुरातही शिवसेनेची ताकद वाढली :
चंद्रपूर जिल्हा बँकेचे उपाध्यक्ष पांडुरंग जाधव, जिवती नगर परिषदेचे नगरसेवक मारुती भुमरे यांच्यासह अनेक सरपंच, उपसरपंच आणि ग्रामपंचायत सदस्यांनी शिवसेनेत प्रवेश केला. या पक्षप्रवेशामुळे चंद्रपूर जिल्ह्यातील संघटनात्मक विस्ताराला बळ मिळाल्याचे पक्षाकडून सांगण्यात आले. (Shivsena)
मनसेच्या पदाधिकाऱ्यांचाही शिवसेनेत प्रवेश :
आमदार नीलेश राणे यांच्या पुढाकाराने मुंबईतील मनसेचे माजी सरचिटणीस संतान फर्नांडिस, विभाग अध्यक्ष अमृत जावळे, सेलिब्रिटी फिटनेस ट्रेनर मनीष अडविलकर आणि आंतरराष्ट्रीय ख्यातीच्या महिला बॉडीबिल्डर दीपा सप्रे यांच्यासह मनसेच्या विविध पदाधिकाऱ्यांनी शिवसेनेत प्रवेश केला. मर्चंट नेव्ही क्षेत्रातील रविंद्र बाईंग, सुरेश साळसकर, नंदकुमार बाईंग आणि मिहिर पुरोहित यांच्यासह अनेक पदाधिकारी व कार्यकर्त्यांनीही शिवसेनेचा भगवा स्वीकारला. (Shivsena)
- राष्ट्रीय सरचिटणीस पदासोबतच 'यूपी'च्या प्रभारी पदी नियुक्ती मुंबई : भारतीय जनता पक्षाच्या राष्ट्रीय कार्यकारणीत ज्येष्ठ नेते आणि खासदार विनोद ...
मुंबई आणि पनवेलमध्येही पक्षप्रवेश :
ईशान्य मुंबईतील सोशल मीडिया उपाध्यक्ष राज गोळे, हेमंत दळवी, सुनील मेढेकर, सोनाली सोळंकी आणि दीपक बोर्डे यांच्यासह अनेक पदाधिकाऱ्यांनी शिवसेनेत प्रवेश केला. शिवशाही केबल आणि इंटरनेट असोसिएशनचे अध्यक्ष परेश तेलंग, सरचिटणीस सूर्यकांत रेवडेकर, भगवान लुडबे, लक्ष्मण गरड यांच्यासह केबल चालकांनीही शिवसेनेत प्रवेश केला. मनसे केबल सेनेचे उपसचिव भारत लुडबे यांनीही शिवसेनेत प्रवेश केला. पनवेल तालुक्यात शेतकरी कामगार पक्षाचे चिटणीस बाबा नाईक यांच्यासह अनेक कार्यकर्ते शिवसेनेत दाखल झाले. शेकापचे जनरल सेक्रेटरी अशोक नाईक, प्रदीप पटेल, अनिल माने, विकास जाधव यांच्यासह शेकडो कार्यकर्त्यांनीही भगवा झेंडा हाती घेतला. (Shivsena)
आगामी काळात संघटनविस्ताराला वेग?
राज्यातील विविध भागांतून स्थानिक पदाधिकारी, लोकप्रतिनिधी आणि कार्यकर्ते शिवसेनेत दाखल होत असल्याने पक्षाच्या संघटनविस्ताराला व्यापक प्रतिसाद मिळत असल्याचे चित्र आहे. विविध पक्षांतील स्थानिक पातळीवरील प्रमुख पदाधिकाऱ्यांच्या प्रवेशामुळे आगामी काळात शिवसेनेची संघटनात्मक ताकद आणखी वाढण्याचे संकेत पक्षाकडून देण्यात आले आहेत. या पक्षप्रवेश कार्यक्रमाला खासदार ओमराजे निंबाळकर, आमदार प्रा. मनीषा कायंदे, शिवसेनेच्या राष्ट्रीय प्रवक्त्या शायना एन. सी. यांच्यासह शिवसेनेचे प्रमुख पदाधिकारी आणि कार्यकर्ते उपस्थित होते. (Shivsena)
View this post on Instagram
