गॉल : गॉलच्या मैदानावर भारतीय फिरकीचा असा कहर पाहायला मिळाला की श्रीलंकेचा डाव अखेर 206 धावांवर आटोपला! मानव सुथारच्या शानदार 10 बळींच्या कामगिरीच्या जोरावर टीम इंडियाने पहिल्या कसोटीत श्रीलंकेचा 165 धावांनी पराभव करत दोन सामन्यांच्या मालिकेत 1-0 अशी आघाडी घेतली. भारताने श्रीलंकेसमोर विजयासाठी 372 धावांचे आव्हान ठेवले होते. या लक्ष्याचा पाठलाग करताना यजमान संघाची सुरुवात अडखळली. मात्र सोनल दिनुशाने शतकी झुंजार खेळी करत श्रीलंकेच्या आशा काही काळ जिवंत ठेवल्या. त्याने 100 धावांची खेळी केली. मात्र भारतीय गोलंदाजांसमोर अखेर श्रीलंकेचा डाव 206 धावांवर संपुष्टात आला. या विजयाचा सर्वात मोठा हिरो ठरला तो युवा डावखुरा फिरकीपटू मानव सुथार! दुसऱ्याच कसोटी सामन्यात सुथारने सामन्यात तब्बल 10 बळी घेतले. पहिल्या डावात त्याने चार विकेट घेतल्या, तर निर्णायक दुसऱ्या डावात 6 बळी घेत 55 धावा दिल्या. त्याच्या अचूक टप्प्यावरच्या गोलंदाजीसमोर श्रीलंकेचे फलंदाज अक्षरशः अडचणीत सापडले.
Nashik Bus Accident : नाशिक जिल्ह्यातील मालेगावमधील चाळीसगाव रोडवरील दहिवळ शिवारात बुधवारी भीषण अपघात घडला आहे. बस आणि ट्रकच्या झालेल्या भीषण धडकेत दोन जणांचा ...
भारताच्या विजयाची पायाभरणी फलंदाजांनीही केली. देवदत्त पडिक्कलने 167 धावांची शानदार खेळी करत आपले पहिले कसोटी शतक झळकावले. त्याच्यासोबत केएल राहुलने 82 धावांचे योगदान दिले. भारताने पहिल्या डावात 462 धावांचा मजबूत स्कोअर उभारला. श्रीलंकेला पहिल्या डावात 284 धावांवर रोखल्यानंतर भारताने दुसऱ्या डावात 193 धावा करत यजमानांसमोर 372 धावांचे आव्हान ठेवले. या सामन्यातील सुथारच्या कामगिरीनंतर सोशल मीडियावर भारतीय चाहत्यांकडून त्याचे जोरदार कौतुक होत आहे. अनेक क्रिकेट चाहत्यांनी त्याला ‘जेम’ आणि भारतीय क्रिकेटसाठी एक नवा फिरकीचा हिरा म्हटलं आहे. या विजयासह भारताने 2026-27 वर्ल्ड टेस्ट चॅम्पियनशिप मोहिमेची दमदार सुरुवात केली आहे. आता मालिकेतील दुसरी आणि अंतिम कसोटी 23 ऑगस्टपासून कोलंबोतील SSC मैदानावर खेळवली जाणार आहे.
पुणे : जुन्नर तालुक्यातील एका गावात अल्पवयीन मुलीवर अत्याचार झाल्यानंतर तिचा मृत्यू झाल्याची घटना समोर आली आहे. या घटनेमुळे परिसरात संतापाचे वातावरण ...
गॉलमध्ये भारताचा जलवा, मानव सुथारचा फिरकीचा कहर आणि श्रीलंकेवर 165 धावांनी विजय—टीम इंडियाने मालिकेत घेतली विजयी आघाडी!