मुंबई : महाराष्ट्राच्या अन्न व औषध प्रशासनाला (FDA) मुंबई उच्च न्यायालयाने मोठा दणका दिला आहे. पुण्यातील गुरुनानक डेअरी अँड स्वीट्स या आस्थापनाचा परवाना निलंबित केल्यानंतरही तो पूर्ववत न केल्याप्रकरणी न्यायालयाने FDA ला तब्बल ५ लाख रुपये नुकसानभरपाई देण्याचे आदेश दिले आहेत. (Bombay High Court on FDA)
FDA ने १३ जून रोजी नियमांचे उल्लंघन झाल्याचे कारण देत संबंधित दुकानाचा परवाना निलंबित केला होता. त्यानंतर करण्यात आलेल्या पुनर्तपासणीत दुकानाने तब्बल ९८ टक्के नियमांचे पालन केल्याचे समोर आले. मात्र, त्यानंतरही परवाना पूर्ववत करण्यात आला नाही. त्यामुळे संबंधित व्यावसायिकाने न्यायालयात धाव घेतली. (Bombay High Court on FDA)
ठाणे : मराठी ही सक्तीची नव्हे तर भक्तीची भाषा असून, अमराठी बांधवांनी स्वेच्छेने मराठी स्वीकारणे ही महाराष्ट्राच्या सांस्कृतिक एकात्मतेची ताकद ...
या प्रकरणाची सुनावणी करताना उच्च न्यायालयाने FDA च्या कारवाईबाबत नाराजी व्यक्त केली. नियमांची अंमलबजावणी करताना प्रशासनाने परिस्थितीनुसार आणि प्रमाणबद्ध पद्धतीने कारवाई करणे आवश्यक आहे, असे न्यायालयाच्या भूमिकेतून स्पष्ट झाले. (Bombay High Court on FDA)
दरम्यान, गेल्या काही आठवड्यांत FDA कडून हॉटेल, रेस्टॉरंट, डेअरी आणि खाद्य व्यवसायांवर मोठ्या प्रमाणात कारवाई सुरू आहे. यापूर्वीही मुंबई उच्च न्यायालयाने FDA ला कारवाई करताना योग्य प्रक्रिया आणि न्याय्य निकष पाळण्याचे निर्देश दिले आहेत. काही प्रकरणांमध्ये परवाना थेट निलंबित करण्याऐवजी संबंधितांना त्रुटी सुधारण्याची संधी देणे आवश्यक असल्याचे न्यायालयाने नमूद केले होते. (Bombay High Court on FDA)
मुंबई : स्वातंत्र्यदिनी नवी दिल्लीतील काँग्रेस मुख्यालयात 'वंदे मातरम्' गायन सुरू असताना त्यात व्यत्यय आणल्याच्या आरोपांबाबत, भाजप नेते आणि ...
यामुळे अन्न सुरक्षेच्या दृष्टीने कठोर कारवाई गरजेची असली, तरी कारवाईचा अतिरेक होऊ नये आणि प्रशासनाने आपल्या अधिकारांचा विवेकपूर्ण वापर करावा, हा संदेश या निकालातून FDA ला मिळाला आहे. FDA च्या कारवाईवर उच्च न्यायालयाची नजर असल्याने आता प्रशासन पुढील कारवाई कशी करते, याकडे सर्वांचे लक्ष लागले आहे. (Bombay High Court on FDA)
