मुंबई : फुटबॉल विश्वातील महान खेळाडूंपैकी एक असलेला क्रिस्टियानो रोनाल्डो (Cristiano Ronaldo) लवकरच आपल्या २५ वर्षांच्या शानदार कारकिर्दीला पूर्णविराम देण्याच्या तयारीत आहे. रोनाल्डोने २०२६-२७ हा हंगाम आपल्या व्यावसायिक फुटबॉल कारकिर्दीतील अखेरचा हंगाम ठरू शकतो, असे स्पष्ट संकेत दिले आहेत. ४१ वर्षीय रोनाल्डो सध्या सौदी अरेबियातील अल-नस्र क्लबकडून खेळत असून त्याचा करार जून २०२७ पर्यंत आहे. Vogue ला दिलेल्या मुलाखतीत रोनाल्डोने म्हटले, “हा कदाचित माझ्या फुटबॉल कारकिर्दीतील शेवटचा वर्ष असेल आणि मला एक शानदार वारसा मागे ठेवायचा आहे.”
फुटबॉलनंतरच्या आयुष्याचेही नियोजन :
रोनाल्डोने (Cristiano Ronaldo) निवृत्तीनंतरच्या आयुष्याचे नियोजनही सुरू केले आहे. कुटुंबासोबत अधिक वेळ घालवणे, प्रवास करणे, पॅडेल खेळणे आणि सामने पाहणे यासाठी वेळ देणार असल्याचे त्याने सांगितले. “फुटबॉल सोडल्यानंतर आयुष्यात मोठी पोकळी निर्माण होऊ शकते. त्यामुळे तो वेळ अनेक वेगवेगळ्या गोष्टींनी भरावा लागेल. मला अधिक प्रवास करायचा आहे, पॅडेल खेळायचे आणि पाहायचे आहे,” असे रोनाल्डो म्हणाला.
२०२६ विश्वचषक ठरला अखेरचा :
२०२६ फिफा विश्वचषक हा आपल्या विश्वचषक कारकिर्दीतील अखेरचा टप्पा असेल, असे रोनाल्डोने (Cristiano Ronaldo) यापूर्वीच स्पष्ट केले होते. पोर्तुगालला स्पेनविरुद्ध उपउपांत्यपूर्व फेरीत पराभव स्वीकारावा लागला. या स्पर्धेत रोनाल्डोने तीन गोल केले. त्यासह तो सहा वेगवेगळ्या विश्वचषक स्पर्धांमध्ये गोल करणारा पहिला खेळाडू ठरला. त्याच्या विश्वचषक कारकिर्दीत २७ सामन्यांत ११ गोल आहेत.
गॉल : भारत आणि श्रीलंका यांच्यातील दोन कसोटी सामन्यांच्या मालिकेतील पहिला सामना गॉल येथे सुरू आहे. या सामन्यातील दुसऱ्या दिवसाचा खेळ संपला. नाणेफेक ...
१००० गोलांच्या विक्रमाचे लक्ष्य :
रोनाल्डोसमोर (Cristiano Ronaldo) आणखी एक मोठे लक्ष्य आहे. त्याच्या वरिष्ठ कारकिर्दीत १,००० गोलांचा टप्पा गाठण्यासाठी तो सध्या २४ गोलांनी दूर आहे. हा ऐतिहासिक विक्रम आपल्या कारकिर्दीच्या अखेरीस गाठण्याची त्याची इच्छा आहे. पोर्तुगालचा नवा प्रशिक्षक जॉर्ज जिझस यांनीही रोनाल्डोला “पोर्तुगीज फुटबॉलचे प्रतीक” म्हटले असून, तो तंदुरुस्त आणि खेळत असेपर्यंत त्याची निवड सुरूच राहील, असे स्पष्ट केले आहे.
साल्झबर्ग : Paris Saint-Germain (PSG) ने Aston Villa वर 2-1 असा रोमांचक विजय मिळवत 2026 UEFA Super Cup आपल्या नावावर केला. 12 ऑगस्ट 2026 रोजी ऑस्ट्रियातील साल्झबर्ग येथील Stadion Salzburg येथे झालेल्या या ...
अशी आहे रोनाल्डोची ऐतिहासिक कारकीर्द :
स्पोर्टिंग सीपीपासून कारकिर्दीला सुरुवात करणाऱ्या रोनाल्डोने (Cristiano Ronaldo) मँचेस्टर युनायटेड, रिअल माद्रिद, युव्हेंटस आणि अल-नस्र या क्लबचे प्रतिनिधित्व केले. रिअल माद्रिदकडून त्याने ४३८ सामन्यांत तब्बल ४५० गोल केले असून तो क्लबचा सर्वकालीन सर्वोच्च गोल करणारा खेळाडू आहे. रोनाल्डोने आतापर्यंत पाच बॅलन डी'ऑर पुरस्कार आणि पाच चॅम्पियन्स लीग विजेतेपदं जिंकली आहेत. इंग्लंड, स्पेन आणि इटलीमध्ये त्याने लीग विजेतेपद पटकावले. पोर्तुगालसोबत त्याने युरोपियन चॅम्पियनशिप आणि नेशन्स लीगही जिंकली आहे.
आता २०२६ विश्वचषकानंतर रोनाल्डोने (Cristiano Ronaldo) आपल्या संपूर्ण फुटबॉल कारकिर्दीच्या समाप्तीचेही संकेत दिल्याने, २०२६-२७ हंगाम हा या महान फुटबॉलपटूचा अखेरचा अध्याय ठरण्याची शक्यता आहे.
