मुंबई : महाराष्ट्राच्या राजकीय वर्तुळात आज सकाळपासून एका भेटीची जोरदार चर्चा सुरू आहे. महाराष्ट्र नवनिर्माण सेनेचे (मनसे) अध्यक्ष राज ठाकरे (Raj Thackeray) यांनी मुख्यमंत्री देवेंद्र फडणवीस (Devendra Fadnavis) यांची ‘वर्षा’ या शासकीय निवासस्थानी भेट घेतली. सकाळी सुमारे ८.२० वाजता राज ठाकरे यांचा ताफा ‘वर्षा’वर दाखल झाला. यावेळी मुंबई क्रिकेट असोसिएशनचे (MCA) अध्यक्ष अजिंक्य नाईक हेही राज ठाकरे यांच्यासोबत असल्याची माहिती आहे.
राज ठाकरे आणि मुख्यमंत्री फडणवीस यांच्यात बंद दाराआड चर्चा सुरू असल्याने या भेटीमागे नेमका विषय काय, याबाबत राजकीय वर्तुळात तर्क-वितर्कांना उधाण आले आहे. (Raj Thackeray Devendra Fadnavis)
भेट पूर्वनियोजित असल्याची माहिती :
राज ठाकरे अचानक ‘वर्षा’वर पोहोचल्याने ही भेट ऐनवेळी ठरली असल्याचे प्रथमदर्शनी वाटत असले, तरी सूत्रांच्या माहितीनुसार ही बैठक पूर्वनियोजित होती. दोन दिवसांपूर्वीच या भेटीचे नियोजन करण्यात आले होते, अशी माहिती समोर आली आहे. त्यामुळे या भेटीला सध्या सुरू असलेल्या राजकीय घडामोडींच्या पार्श्वभूमीवर विशेष महत्त्व प्राप्त झाले आहे. (Raj Thackeray Devendra Fadnavis)
मुंबई : मुंबईतील विले पार्ले (पश्चिम) परिसरात मंगळवारी रात्री उशिरा भीषण आग लागून हृदयद्रावक दुर्घटना घडली. चर्च रोडवरील सेंट झेवियर शाळेजवळ असलेल्या ...
अजिंक्य नाईक सोबत असल्याने चर्चांना वेगळे वळण :
या भेटीमध्ये MCA अध्यक्ष अजिंक्य नाईक यांची उपस्थिती लक्षवेधी ठरली आहे. त्यामुळे ही बैठक केवळ राजकीय विषयांपुरती मर्यादित नसून मुंबईतील क्रीडा आणि विशेषतः क्रिकेटशी संबंधित प्रश्नांवरही चर्चा होण्याची शक्यता व्यक्त केली जात आहे. दादर येथील ऐतिहासिक छत्रपती शिवाजी पार्क मैदानाची पुनर्रचना, क्रीडा सुविधा, क्रिकेटपटूंसाठी आवश्यक पायाभूत सुविधा आणि खेळाडूंच्या विविध प्रश्नांवर या बैठकीत चर्चा होऊ शकते, अशी शक्यता आहे. (Raj Thackeray Devendra Fadnavis)
याआधीही झाली होती फडणवीस-राज ठाकरे भेट :
मुंबई महापालिका निवडणुकीच्या आधीही राज ठाकरे यांनी मुख्यमंत्री फडणवीस यांची भेट घेतली होती. त्यावेळी ठाकरे बंधू एकत्र येण्याच्या आणि संभाव्य राजकीय युतीच्या चर्चांना उधाण आले होते. मात्र, त्यावेळी झालेली भेट मुंबईतील विविध प्रश्नांवर असल्याचे स्पष्ट झाल्यानंतर या चर्चांना काही प्रमाणात पूर्णविराम मिळाला होता. दरम्यान, मनसे अध्यक्ष राज ठाकरे यांनी यापूर्वी उद्धव ठाकरे यांच्यासोबत आघाडी करत मुंबई महापालिका निवडणूक लढवली होती. ठाकरे बंधूंना अपेक्षित राजकीय यश मिळाले नसले, तरी या आघाडीमुळे महाराष्ट्राच्या राजकारणात नवीन समीकरणांची चर्चा सुरू झाली. (Raj Thackeray Devendra Fadnavis)
महाराष्ट्र : ऑगस्टच्या सुरुवातीला काही दिवस विश्रांती घेतल्यानंतर राज्यात पुन्हा एकदा पावसाचा जोर वाढला आहे. कोकण किनारपट्टी, घाटमाथा आणि राज्यातील ...
राजकीय भेट की मुंबईतील प्रश्नांवर चर्चा?
एकीकडे राज ठाकरे यांनी सत्ताधारी महायुती आणि केंद्र सरकारच्या धोरणांवर टीका केली आहे. अशा परिस्थितीत राज ठाकरे आणि मुख्यमंत्री देवेंद्र फडणवीस यांची ‘वर्षा’वरील भेट राजकीयदृष्ट्या महत्त्वाची मानली जात आहे. मात्र, अजिंक्य नाईक यांच्या उपस्थितीमुळे छत्रपती शिवाजी पार्कसह मुंबईतील क्रीडा सुविधांबाबतची चर्चा हा बैठकीचा प्रमुख विषय असण्याची शक्यता अधिक असल्याचे सांगितले जात आहे. (Raj Thackeray Devendra Fadnavis)
आता या बैठकीनंतर दोन्ही नेत्यांकडून नेमकी कोणती माहिती समोर येते आणि या भेटीचा राजकीय अर्थ काय काढला जातो, याकडे महाराष्ट्राचे लक्ष लागले आहे. (Raj Thackeray Devendra Fadnavis)
